Gizartea
Kale indarkeria
Kaputxadun talde batek kontainerrak erre ditu Bilbon
Erredakzioa
Errekalden izan da gertakaria, eta euskal presoen eskubideen aldeko panfletoak aurkitu dituzte erasoa izan den lekuan.
Kaputxadun talde batek hiru kontainer jarri dituzte errepide erdian eta su eman diete gero, Bilbon, Segurtasun Saileko iturriek jakitera eman dutenez. 13:30 aldera izan da gertakaria, Errekalde auzoan, Larraskitura doan errepidean.
Euskal presoen eskubideen aldeko panfletoak aurkitu dituzte erasoa izan den lekuan, aipatu iturrien esanetan.
Suhiltzaileek 14:00etarako itzali dute sua, eta gero errepidea garbitu dute.
