Gizartea
Ezustekoa
Benedikto XVI.a aita santuaren agintaldiko gertakari garrantzitsuenak
Erredakzioa
Karguari uko egingo dio otsailaren 28an zortzi urtez Eliza Katolikoaren buru izan ostean.
-
Benedicto XVI aita santua. Argazkia: EITB
Benedikto XVI.a aita santuak kargua utziko du, zortzi urtez Eliza Katolikoaren agintari gorena izan ondoren. Otsailaren 28an izango da kargu-uztea. Hemen bildu ditugu agintaldi horren data eta gertakari esanguratsuenak:
2005
Apirilak 19: Joseph Ratzinger Aita Santu izendatu zuten, Benedikto XVI.a gisa.
Abuztuak 19: Italiatik atera zen lehenengo aldiz. Koloniako (Alemania) sinagogan izan zen, eta gogor gaitzetsi zuen nazismoa.
Urriak 23: Bost santu izendatu zituen lehenengo aldiz, Alberto Hurtado Cruchaga jesuita txiletarra tartean.
2006
Urtarrilak 25: Lehenengo entziklika argitaratu zuen: 'Deus caritas est' (Jainkoa maitasuna da)
Martxoak 1: Uko egin zion Mendebaldeko Patriarka izateari.
Martxoak 24: Lehenengo kontsistorioa egin zuen.
Maiatzak 19: Marcial Maciel Kristoren Legionarioak taldeko fundatzaileari "ministerio publiko orori" uko egiteko exijitu zion, apaizgaiei ustezko sexu-gehiegikeriak egiteagatik ikertzen ari zirelako.
Uztailak 8 eta 9: Espainian izan zen lehenengo aldiz, Valentzian, Familien V. Nazioarteko Biltzarrean.
Azaroak 30: Turkian, Istanbuleko Meskita Urdineko 'mihrab'ean gogoeta egin zuen.
2007
Martxoak 25: "Infernua egon badago, eta betiko da, bihotza Jainkoaren maitasunari ixten diotenentzat", adierazi zuen Erroman.
Apirilak 13: Aita santu gisa idatzi zuen lehenengo liburua aurkeztu zuten: Jesus Nazaretekoa.
Maiatzaren 9tik 14ra: Brasilera joan zen bidaian, Hego Amerikara lehen aldiz.
Ekainak 26: Hurrengo aita santuak bi herenen babesa jaso beharko duela agindu zuen.
Azaroak 30: Bigarren entziklika argitaratu zuen: Spe salvi (Itxaropenak salbatuak).
2008
Missale Romanum, juduekiko erregua, aldatu zuen.
Apirilaren 15etik 20ra: Lehen bidaia egin zuen AEBetara.
Pio IX.aren makulua hartu zuen.
2009
Urtarrilak 24: Eskumikua altxatu zien Marcel Lefebvre artzapezpikuak sagaratutako lau gotzainei.
Martxoaren 17tik 23ra: Lehen bidaia egimn zuen Afrikara. Hiesari aurre egiteko, preserbatiboa erabiltzearen aurkako jarrera agertu zuen.
Maiatzaren 8tik 15era. Lehen bidaia egin zuen Lurralde Santura: Jordania, Israel eta Palestina bisitatu zituen.
Uztailak 7: Caritas in Veritate hirugarren entziklika argitaratu zuen.
Urriak 11: Francisco Coll eta Fray Maria Rafael Arnaiz espainiarrak santu egin zituen.
Urriak 20: Vatikanoak apostolu-konstituzioa onartu zuen Eliza Katolikoaren baitan anglikanoak onartzeko.
2010
Apirilak 19: Aita santu karguan bost urte bete zituenean, Elizaren baitan izandako pederastia kasuak bolo-bolo zebiltzala.
Irailaren 16tik 19ra: Erresuma Batura bisita. Enrique VIII.ak 1534an aita antuaren jurisdikzioa gaitzetsi zuenetik, Eliza Katoliko buru batek egindako lehen estatu bisita.
Urriak 12: Ebangelizazio berria bultzatzeko kontseilua aurkeztu zuen.
Azaroak 6-7: Bigarren bisita egin zuen Espainiara.
Azaroak 19: Kardenalak bildu zituen, apaiz pederasten auzia jorratzeko.
Azaroak 20: Jose Manuel Estepa Llaurens espainiarra eta Raul Eduardo Vega Churiboga eta Raymundo Damasceno Assis brasildarrak kardenal izendatu zituen.
Abenduak 30: Bere gogoz dirua zuritzea eragozteko eta terrorismoa finantzatzea saihesteko legea onartu zuen.
2011
Maiatzak 1: Joan Paulo II.a santu izendatu zuen.
Abuztuak 18-21: Madrilera egin zuen bisita, Munduko Gazteen Topaketa zela eta.
Irailak 22-25: Hirugarren bisita egin zuen Alemaniara.
2012
Otsailak 17-22: Kardenal berriak izendatu zituen; tartean, Santos Abril y Castello espainiarra eta Joao Braz de Aviz brasildarra.
Martxoak 23-28: Mexikora eta Kubara joan zen bisitan.
Irailak 14-16: Aita santua Libanora joan zen bisitan lehen aldiz.
Azaroak 20: Jesusen haurtzaroa liburua argitaratu zuen, bere trilogiako hirugarrena eta azkena.
Abenduak 12: Benedikto XVI.ak bere lehen mezua aireratu zuenTwitterren.
Abenduak 22: Paolo Gabriele maiordomo ohia indultatu zuen, bere dokumentu sekretuak lapurtu eta aireratu arren.
2013
Otsailak 11: Benedikto XVI. aita santuak zereginari uko egin dio.