Olentzerok eta Mari Domingik milaka lagun agurtu dituzte gaur arratsaldean Bilbon, Kale Nagusian barrena egin duten kalejiran. Haur batzuek aukera aprobetxatu dute Olentzerori euren gutuna emateko.

Behin sua itzalita, baserrian bizi zen 43 urteko gizonezko bat desagertuta zegoela jakin zuen Ertzaintzak. Gorpua gaur aurkitu dute hondakinak kentzeko lanetan.

Gasteizko hiri-autobusen enpresak, Tuvisak, hamar autobus elektriko berri ditu, eta 4. linean sartzen hasi da, Lakuatik Mariturrira doana. Beraz, Gasteizko autobusen laurdena azken belaunaldiko autobus elektrikoak dira.

Oihana Barriledo Escapart Studioko diseinatzailearen arabera, Gabonetako kanpaina urteko garrantzitsuena da. Sasoi honetan, salmentek gorakada nabarmena izaten dute, eta urte zaila salbatzeko aukera giltzarri bihurtu da.

17:00ak aldera piztu da sutea Artika auzoko baserri batean eta 19:00etan piztuta jarraitzen zuen oraindik. Zorionez, ez da zauriturik izan.

Egunak utzi duen bitxikerietako bat, sari nagusia birritan abestu dela ordu erdiko tartearekin. Urduritasunak bultzatuta, Yadira Kindek 4 milioi euroak abestu ditu, bigarrenez: "Mila euro dira, baina mutil batek abesteko esan dit", esan dio mahaiburuari.

Leioako administrazioak bigarren sariaren serie bat saldu du (40014 zenbakia), laugarren sari baten serie bat (48020 zenbakia) eta bosgarren bateko beste bat (72853 zenbakia). Guztira, 1,5 milioi euro baino gehiago banatu ditu Gabonetako Loteriaren zozketan.

Goierriko herri honetako 2. administrazioak 74778 zenbakiko 90,6 serie zituen esleituta, eta 839 dezimo saldu ditu guztira. Dezimo bakoitzak 6.000 euro jasoko ditu.

Sari nagusiaren erdia Madrilgo Distrito Olímpico kirol-klubak banatu du, dezimoak Logroñoko administrazioan erosi baititu. Gainerako dezimoak leihatilan saldu dira.

11840 zenbakiak, Gabonetako Loteriaren zozketa bereziaren hirugarren sariak, 10 milioi euro utzi ditu Laudion (Araba). Araba kaleko 45. zenbakian dagoen estankoak zenbaki hrren 21,8 serie zituen esleituta.

72480 zenbakiari egokitu zaio Gabonetako Loteriaren sari potoloa. Logroñoko Muro del Carmen kaleko saltokian saldu da oso-orosik eta dezimo bakoitzak 400.000 euroko saria du.

11840 zenbakiaren zati bat, Gabonetako Loteriaren zozketako hirugarren saria, Miribilla auzoko Altafit gimnasioan saldu da. Dena saldu badute, 35 milioi euro inguru banatuko zituzten.

Gabonetako Loteriaren Zozketa Bereziaren hirugarren saria 11840 zenbakiari egokitu zaio, 500.000 euro serieko, 50.000 euro dezimo bakoitzeko.

Ehunka lagun bildu dira arratsaldean Baionan, Mari Domingiri eta Olentzerori harrera egiteko. Urtero legez, itsasontziz heldu dira Lapurdiko hiriburura eta bertan "argia eta euskara" hedatu ahal izan dituzte.

Valentziako familia askok dena galdu zuten urriaren 29ko euriteen ondorioz, eta nekez egingo diete aurre gabonetako gastuei. Umeei oparirik falta ez dakien, Beriaingo eta Lasarteko bizilagunek bilketa egin eta ia 4.000 opari eraman dituzte Olentzerok eta Mari Domingik Massanassara eta Alfafarrera.