Maria Chivitek astelehenean Gobernu batzarra egingo du, Trumpen muga-zergak aztertzeko

Nafarroako presidente Maria Chivite sozialistak ostegun honetan Bruselan jakinarazi duenez, datorren astelehenean bere gobernua deituko du, Donald Trump AEBko presidenteak hasitako merkataritza-gerraren eragina baloratzeko.

Chivitek hedabideei egindako adierazpenetan esan duenez, "muga-zerga gerra batean sartzeak mundu guztiari egiten dio kalte", eta gaineratu du, Nafarroan, esportazioen balantza 377 milioi eurokoa izan zela 2024an, eta automobilgintzaren eta nekazaritzako elikagaien industriek pisu handia izan zutela.

"Astelehen honetan bertan deituko dut nire gobernua, horrek zer kalte ekar diezagukeen baloratzeko", inplikatutako sektoreetako ordezkariekin batera, "horren inguruan hartu beharreko neurriak zein diren ikusteko", esan du presidenteak, atzo eta gaur Bruselan egindako Eskualdeetako Komitearen osoko bilkuran parte hartu ostean.