Sindikatuek diote gaurko deituta zegoen bilera teknikoa bertan behera utzi duela Hezkuntzak, grebaren atarian

Joan den asteko hiru lanuzteen ondotik, Steilas, LAB, ELA eta CCOO sindikatuek beste bi greba egun dituzte deituta asteon —bihar eta etzi— EAEko unibertsitatez kanpoko hezkuntza publikoan, eta lanuzteon atarian, gaurko deituta zegoen bilera teknikoa —aspaldi zegoen aurreikusita, eta halakoetan ez dituzte berez lan hitzarmeneko auziak aztertzen— bertan behera geratu dela salatu dute Steilasek, LABek eta ELAk.

Hori horrela, biharko eta etzirako grebari eutsiko diotela jakinarazi dute sindikatuok, ez baitute aurreikusten "beste mahai negoziatzailerik egotea" epe laburrean.

¿ Hezkuntza Sailak gaurko jarraipen batzordea bertan behera utzi du.

¿ Negoziaketak eten zituen eta proposamen berririk jaso gabe jarraitzen dugu.

¿¿ Bihar aurretik ez dugu aurreikusten beste mahai negoziatzailerik egotea.

¿ BIHAR ETA ETZI GREBARA! pic.twitter.com/nmIb5hjVM0

— LAB Irakasleak EAE (@labirakasleak) March 31, 2025

¿¿ IRAKASLEAK: APIRILAK 1 eta 2 DENOK GREBARA ¿

Pasa den astelehenetik HSk ez du proposamen berririk egin ezta Mahai Negoziatzailerik deitu. Aldarrikapenei ez die erantzunik eman, baina grebak deskonbokatzea da Sailaren asmoa.https://t.co/CDg30HMhL2#Grebara #PublikoaIndartu pic.twitter.com/Svaxtp6m8w

— ELA Hezkuntza (@ELAHezkuntza)

March 31, 2025

Hezkuntza Sailak azaldu duenez, batzar teknikoetan ikastetxe bakoitzean izan beharreko baliabideak negoziatzen dira 2022tik, baina auzi hori negoziazioen muinetako bat bihurtu denez, mahai negoziatzailean aztertu beharrekoa dela uste du. "Zentroetan normaltasunez negoziatzen jarraitzeko borondatea" berretsi du Begoña Pedrosak zuzentzen duen Sailak, beste argibiderik eman gabe.

Sindikatuek eta Jaurlaritzak duela astebete izan zuten azken hartu-emana. Ordu luzez egon ziren bilduta, eta 01:00etan bukatu ziren negoziazioak, akordiorik gabe.

Ordutik ez dute beste bilerarik egin, Steilasek txio bidez jakinarazi duenez. Salatu duenez, Hezkuntza Sailak "aukera izan negoziazioarekin aurrera egiteko, baina ez du inongo borondaterik izan. Ostiralean adierazi genuen asteburuan horretan aritzeko gure prestasuna ere, baino entzungor egin diote gure eskaintzari". 

Hezkuntzan gehiengoa duen sindikatu honentzat,  "ez da onargarria" greba deialdiaren "azken orduetara mugatzea negoziatzeko epea", eta "benetako negoziazioa" galdegin du beste behin.

Asteleheneko mahai negoziatzailearen ondoren Hezkuntza Sailak aukera izan du negoziazioarekin aurrera egiteko baina ez du inongo borondaterik izan. Ostiralean adierazi genuen asteburuan horretan aritzeko gure prestasuna ere, baino entzungor egin diote gure eskaintzari. (1/2)

— STEILAS sindikatua (@STEILAS_) March 30, 2025

 
 
27.000 irakasle daude grebara deituta bihar eta etzi. Asteartean, manifestazio bana dago deituta Bilbon, Gasteizen eta Donostian (11:30ean, Kale Nagusiko 85.etik, Bilbo plazatik eta Boulevardetik). Asteazkenean Gasteizen egingo dute martxa handia, 11:30ean Europa Jauregitik abiatuta.

Aurrez, gaur arratsaldean (19:30etik hasita), "Lan hitzarmen duina orain!" lelopean kanpaldia egingo du irakasle talde batek Eusko Jaurlaritzak Gasteizen duen egoitzaren aurrean.