DBHko eta Lanbide Heziketako 1.268 lanpostuko eskaintza publikoan izena emateko epea, zabalik

Euskal Herriko Agintaritzaren Aldizkariak gaur, ostegunarekin, kaleratu du Hezkuntzan beste lan eskaintza publiko bat egiteko akordioa, eta, horrenbestez, zabalik dago Derrigorrezko Bigarren Hezkuntzako (DBH) eta Lanbide Heziketako 1.268 lanpostuko eskaintzan izena emateko epea. Interesdunek apirilaren 3ra arteko tartea izango dute.

Begoña Pedrosa Hezkuntza sailburuak berak baieztatu du albistea Radio Vitorian egin dioten elkarrizketa batean. Horren ustez, deialdia zabalik egotea "oso albiste ona da".

¿ Entrevista con la consejera de educación, @BegonaPedrosa @hezkuntzaEJGV

¿ Desde hoy y hasta el 3 de abril las/los interesados se pueden inscribir a la OPE de Educación.

¿ Se convocan 1268 plazas de Secundaria y Formación Profesional pic.twitter.com/QzmXzgTYy3

— Radio Vitoria (@radio_vitoria) March 6, 2025

Aurreikusitakoaren arabera, lan eskaintza horretako azterketak irailaren bigarren erdian izango dira.

Eskaintza horrekin behin-behineko langileen tasa % 4ra jaitsi nahi du Jaurlaritzak bi hezkuntza etapatan, eta % 8 baino baxuago kokatu hezkuntza sistema osoan.