Merkel: 'Espainiak erabaki behar du erreskatea eskatu edo ez'

Angela Merkel Alemaniako kantzillerrak berretsi duenez, erreskatea eskatu edo ez erabakitzea Mariano Rajoyren Gobernuari dagokio "esklusiban".

Merkelek Alemaniako Parlamentuan egin du adierazpena, Europako Kontseiluaren bi eguneko goi-bileran parte hartzeko Bruselara abiatu baino lehen.

"Arazo gehienak etxean daude, eta, beraz, etxean konpondu behar dira", gaineratu du Merkelek. Hori horrela, krisiaren kausei aurre egiteko deia egin die gobernu nazionalei, Europan baldintzarik gabeko elkartasuna itxaron beharrean.

"Elkartasuna baldintzekin batera datoz", gogorarazi du.

Bestalde, Merkelek txalotu egin ditu Greziak egindako esfortzuak, eta herrialdeak eurogunean jarraitzea nahi duela erantsi du: "Hoberena da, bai Greziarentzat, bai Europar Batasunarentzat".