Gasteizko aurrekontuek aurrera jarraitzen dute, EH Bildurekin adostutako zuzenketak onartu dituzte eta

Gasteizko Udaleko aurrekontuen tramitazioa aurrera doa, Ogasun Batzordean EAJk, PSE-EEk eta EH Bilduk adostutako 23 zuzenketak onartu dira eta.

Zuzenketa horiek 7,7 milioi euro batzen dituzte, eta 2026 eta 2027 urteetarako proiektuetarako 8 milioiko konpromiso kredituak aurreikusten dituzte; zuzenketak datorren ostiralean berretsiko dituzte, osoko bilkuran.

Akordioari esker, Jaurlaritzak gutxiengoan onartu ahal izango ditu bere kontuak, bigarren urtez jarraian, EH Bilduren babesarekin, eta hainbat ekimen giltzarri izango ditu: adinekoentzako etxebizitzak eraikitzea, urgentziazko bizitegi-baliabideak, gazteentzako bizitoki berriak, eta merkataritza dinamizatzeko eta energia berriztagarriak sustatzeko proiektuak, besteak beste.

PPk eta Elkarrekin Podemosek, berriz, atzera bota dituzte onartutako zuzenketak.