Jaurlaritzak ez dio helegiterik aurkeztuko 'Arabako Mahastiak' sor-marka baztertu zuen epaiari

EITB MEDIA

Maria Ubarretxena bozeramaileak aurreratu du erabakia, baina zehaztu Amaia Barredok zuzentzen duen Sailak emango dituela azalpenak.

Orria entzun Orria entzun

Guardiako mahasti batzuk. Argazkia: Igor Arizmendiarreta.

Whatsapp
Whatsapp
twitt
Bidali
Esteka kopiatu

Albisteak (2)

'Arabako Mahastiak' izendapena sortzeko aukera zapuztu du EAEko Auzitegiak, Errioxakoaren…
ABRAk Auzitegi Gorenean helegitea jarriko dio 'Arabako Mahastiak' jatorri-izena atzera…

Eusko Jaurlaritzak ez du Auzitegi Gorenera joko 'Arabako Mahastiak' sor-marka atzera bota zuen epaiaren auzian. EAEko Auzitegi Nagusiak Arabako ardoek marka berria izan zezaten baztertu zuen, eta Errioxako sor-markari arrazoia eman zion.

Jaurlaritzak ez bezala, Arabako Errioxako Ardogileen Elkarteak (ABRA) kasazio helegitea aurkeztea onartu zuen. Erabaki horri "errespetua" adierazi dio Maria Ubarretxena Jaurlaritzaren bozeramaileak. Hain justu, Ubarretxena izan da erabakiaren berri eman duena, gobernu bileraren osteko agerraldian.

Arrazoiez galdetuta, eledunak zehaztu du Elikadura, Landa Garapen, Nekazaritza eta Arrantza Sailak berak emango dituela azalpenak.