Ekonomia
Kongresua
Erredakzioa
Luis de Guindos Ekonomia ministroak azaldu duenez, bankuek ezingo dituzte balio baxueneko aktiboak 'banku txarrera' eraman, "gutxieneko muga" bat egongo baita.
Informazio gehiago (2)
Finantza erakundeek ezingo dituzte balio baxueneko higiezinen aktiboak 'banku txarrera' eraman, izan ere, "gutxieneko muga" bat ezarri dute jarduera horietarako, bankuaren kudeaketa "ezinezkoa" izan ez dadin eta errentagarritasuna bermatzeko.
Luis de Guindos Ekonomia eta Lehiakortasun ministroak Kongresuan egindako agerraldian azaldu duenez, higiezinen sustatzaileen kredituak eta aktiboak "balio ekonomiko errealaren" arabera eskualdatuko dituzte.
Banku txarraren % 55, pribatua
'Banku txar' edo aktiboen kudeaketarako elkartean inbertsore pribatuak izango dira gehiengoa, eta haien esku egongo da kapitalaren eta menpeko zorraren % 55 gutxienez.
Elkartearen jabeak higiezinen aktiboak banku txarrera eraman ez dituztenak, aseguru-etxeak eta bestelako inbertsore kualifikatuak izango omen dira.
Abenduaren 1etik aurrera
Bankia, Catalunya Bank, Novagalicia Banco eta Banco de Valencia Gobernuaren laguntza jaso duten bankuak izango dira aktiboak 'banku txarrera' eramango dituzten lehenak, abenduaren 1etik aurrera.
Erreskatea
Bestalde, balizko erreskate baten inguruan Espainiako Gobernuak hartuko lukeen erabakia "Espainiarentzat eta Europako bazkide guztientzat onena" izango dela berretsi du Ekonomia ministroak. "Erabakia edozein dela ere, elementu guztiak eta inplikazio guztiak kontuan hartu gabe hartzea arduragabekeria litzateke", adierazi du.
Oposizioko bozeramaile guztiek Gobernuak erreskate berri bat eskatuko ote duen inguruko azalpenak eskatu dizkiotenean erantzun du ministroak.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa