Andaluziak 4.906 milioi euroko erreskatea eskatuko du 'segur aski'

Andaluziako Gobernuak alegazioak aurkeztuko ditu Erkidegoen Likideziarako Funtsa aplikatzeko programaren aurrean, bertara joko baitu "segur aski", 4.906 milioi euroko erreskatea eskatzeko, Carmen Martinez Aguayo Ogasun kontseilariak jakitera eman duenez.

Atzo Gobernuak bidalitako dokumentua aztertu ostean, Martinez Aguayok esan du "argiak eta itzalak" dituela, eta alegazioak aurkeztuko dituztela nabarmendu du.

"Argiak eta itzalak ditu, hornitzaileei egin beharreko ordainketak funtsa honen kontura finantzatzeko aukera ematen duelako, eta, printzipioz, mekanismo normalizatu bat izango dela ondoriozta daiteke dokumentutik”, kontseilariaren esanetan. "Itzalen" artean, berriz, horiek banatzeko irizpideen gardentasun eza nabarmendu du; "argiagoak izan behar dute", gaineratu du.

Kontseilariak adierazi duenez, "baliteke datozen egunetan bideratzea" Andaluziako Gobernuak 1.000 milioi euro aurreratzeko egin duen eskaria.