Rajoy: 'Nik uste pentsioak igoko ditugula'

"Nik uste dut pentsioak igoko ditugula", hitz horiekin erantzun die Rajoyk pentsioak izoztuko zituela zioten informazioei.

Hala ere, pentsioen igoerak KPI kontsumoko prezioen indizearekin bat egingo ote duen galdetutakoan, Rajoyk ez du xehetasun gehiagorik eman nahi izan.

Erroman kazetariekin bart izandako solasaldian adierazi zuen hori, Italiako hiriburura joan baitzen Rajoy, Mario Monti Italiako gobernu buruarekin elkartzera.

Bi gobernu buruen mezu bateratua

Mariano Rajoy Gobernuko presidentea eta Mario Monti Italiako lehen ministroa Erroman bildu dira ostiral honetan, ekonomia eta finantza arloko krisiari aurre egin eta elkarlana bultzatu eta indartzeko.

Ordubeteko bileran, eta ''Eurogunearen egoera'' jorratu dute, eta urriaren 29an Madrilen egingo duten bileraren gaiak ere zehaztu dituzte.

Beren herrialdeei zuzenean eragiten dien euroaren krisiaren aurrean, Rajoyk eta Montik ''koordinazio estua'' izatea adostu dute.