UGT eta CCOO irailean mobilizatuko dira, uztailaren 29ko bileran lanaldia murrizteko aurrerapausorik ez badago
UGT eta CCOO sindikatuek ohartarazi dutenez, datorren uztailaren 29an egingo duten bileran lanaldia murrizteko aurrerapausoak eman ezean, mobilizazio sorta deituko dute irailaren hasierarako, nahiz eta negoziatzen jarraitu.
Mari Cruz Vicente CCOOko ekintza sindikaleko idazkariak gaur lanaldi murrizketari buruz egindako batzarraren ostean azaldu duenez, une honetan "negoziazio begiztan" daude, proposamen zehatzik ez dagoelako eta ez dutelako aurrera egiten. "Negoziazio mahaian nolabaiteko trabak daudela sentitzen dugu", adierazi du Vicentek.
Gaurko bileran, Joaquin Perez Rey Estatuko Lan eta Gizarte Ekonomiako idazkariak 37,5 orduko lanaldia pixkanaka aplikatzeko aukeraren inguruan lan egiteko borondatea azaldu die gizarte eragileei, 2025ean zehar epe malguagoak ezarriz, eta, horrela, CEOE eta Cepyme barne hartuko dituen akordio bat lortu nahi du.
Fernando Lujan UGTko Politika Sindikaleko idazkariorde nagusiarentzat, neurria ezin da gehiago atzeratu, baina aplikazio epe bat finkatzeko eta hitzarmenak lanaldietara egokitzeko "malguak" izateko prest daude.
Sindikatuek eskua luzatu diote patronalari "XX. mendea atzean utzi eta XXI. mendean sartzeko". "Haiekin negoziatzen saiatuko gara, nekatu arte. Baina helburu ukaezina da", azpimarratu du Lujanek.
Hala ere, patronaleko iturriek azaldu dutenez, CEOEk uko egin dio lanaldia murrizteari, "negoziazio kolektiboan lantzen den elementua delako".
Bestalde, Mertxe Aizpurua EH Bilduren Kongresuko bozeramaileak gai horri buruz hitz egin du gaur Kongresuan, eta Espainiako Gobernuari gehiago ez itxaroteko eta lanaldia murrizteko eskatu dio, "patronalari gustatu ala ez".
Albiste gehiago ekonomia
Statkraftek aztertuko du Piaspe parke eolikoaren ingurumen baimenari buruzko erabakiari helegitea jarri ala ez
Parke eolikoa Gipuzkoako Azpeitia, Zestoa eta Errezil udalerrietan zegoen planifikatuta eta kontrako ingurumen-ebazpena jaso du. Enpresaren aburuz, parke eolikoa "energiaren sozializazioa bultzatzeko diseinatu zen, enpresen, administrazioen eta tokiko komunitateen inplikazioa bilatuz".
Jaurlaritzak ingurumen baimena ukatu dio Piaspe proiektu eolikoari
Eusko Jaurlaritzako Industria, Transizio Energetiko eta Jasangarritasun sailak atzera bota du Statkraft enpresak Azpeitia, Zestoa eta Errezil artean egitekoa zuen parke eolikoaren proiektua. Mendi inguru horretan eraikitzekoak zituzten errotek eta energia azpiegiturek ingurumenari kalte egingo lioketela ebatzi du txostenak.
BBVAk bere eskaintzari eutsi eta aurrera jarraitzen du Sabadell erosteko ahaleginean
Sabadelleko akziodunek ia aho batez TSB Erresuma Batuko filiala Santander bankuari saltzea onartu eta astebetera hartu du Carlos Torres buru duen konpainiak erosketa eskaintzari eusteko erabakia.
Greba Bilboko Udaltzaingoaren telefono bidezko arreta-zerbitzuan, Aste Nagusian zehar
ELAk salatu du Udalak eta Lanalden azpikontratak ez dutela negoziatu nahi zerbitzua osatzen duten bost profesionalen lan-baldintzak hobetzea.
Jaurlaritzak onartu egin du Araban bi eguzki-parke eraikitzea, bata Agurainen eta bestea Arespalditzan
Euskal Herriko Agintaritzaren Aldizkariak ostegun honetan argitaratu du bi proiektuek ingurumen baimena lortu dutela. Instalazioek 32 hektareako azalera eta 20 megawatteko potentzia izango dute.
EHNE sindikatuak salatu du Nafarroako Gobernuak urratu egin duela suteei aurre egiteko hitzartutako protokoloa
Nafarroako Gobernuak suteak saihesteko lehen sektoreko hainbat jarduerei ezarri dien murrizketa-sortak hautsak harrotu ditu. Hala, EHNE laborarien sindikatuak protesta egin du astearte honetan, salatzeko Barne Departamentuak urratu egin duela hitzartua zuten suteen kontrako protokoloa.
Trumpen muga-zergek 400 milioi inguruko eragina izango lukete Euskadin, eta 73 milioi ingurukoa, Nafarroan
Bi lurraldeek dituzten esportazio-kopuruak direla eta, merkataritza-gerrak hainbat ondorio utziko lituzke Hego Euskal Herrian. Sektore kaltetuenak automobilgintza, makina-erremintagintza, altzairugintza eta ardogintza dira.
Udan egiten dira dendetako lapurreten % 26, eta ardoa, hestekiak eta aurpegiko kremak lapurtzen dira gehien-gehien
Jan-edatekoak daude Nielsenek egindako Estatu mailako rankingaren buruan. Horien atzetik zaintza pertsonalerako produktuak daude.
Debekatu egin dituzte zenbait nekazaritzako lan Nafarroan, sua dela eta
Nafarroako lurralde osoan debekatuta egongo da lurzoru urbanizaezinean nekazaritzako, basogintzako eta beste edozein motatako jarduerak egitea, baldin eta sua, makinak edo ekipoak erabiltzen badituzte eta horien funtzionamenduak baso-suteak eragin baditzake leherketen, txinparten edo deskarga elektrikoen bidez.
Etxebizitzen salerosketa-kopurua % 29 igo zen ekainean Euskadin
2.314 da eragiketen zenbatekoa. Interes-tasek behera egin dute, eta horrek finantzaketa merkatzea eragin du.