Ekonomia
PROTESTAK LEHEN SEKTOREAN
Ertzaintzaren "profesionaltasun goresgarria" defendatu du Esanek, nekazarien protestetan
AGENTZIAK | EITB MEDIA
Hala erantzun dio polizia-sindikatuak Espainiako Gobernuak EAEn duen ordezkariari. Marisol Garmendiak "besoak gurutzatuta" geratzea leporatu dio Eusko Jaurlaritzari, Behobiako kamioien eta traktoreen pilaketak eragindako 40 kilometroko ilaren aurrean.
-
Frantziako Polizia eta Ertzaintza nekazarien protestan, joan den asteartean. Argazkia: EFE.
ESAN Ertzaintzaren sindikatuak Irungo nekazarien protestetan parte hartu zuten agenteen "profesionaltasun goresgarria" defendatu du ostegun honetan.
Marisol Garmendia Espainiako Gobernuak EAEn duen ordezkariak Behobian kamioien eta traktoreen elkarretaratzeak eragindako 40 kilometroko ilarak ikusita, Eusko Jaurlaritza "besoak gurutzatuta" geratu dela salatu eta biharamunean mintzatu da Poliziaren sindikatua.
Ohar baten bidez, ESANek "Ertzaintzaren unitate guztietako agente guztiak" zoriondu ditu, joan den asteartean, "egoera guztiz txarrean, profesionaltasun handiz" jardun zirelako.
"Nekazariek mugaren bi aldeetan egin zituzten protestek 40 kilometro baino gehiagoko auto-ilarak eragin zituzten Gipuzkoan, eta egoera horrek kolapso handia eta tentsio egoera ugari eragin zituen", nabarmendu du Esanek. Zentzu horretan, egoera profesionaltasun goresgarriz konpondu zela gaineratu du sindikatuak.
