Ekonomia
Lan istripua
Agentziak | EiTB Media
Hildako gizona iturgin lanak egiten ari zela altueratik etxebizitza bateko patiora erori zen. LAB, ESK, Steilas, Hiru, EHNE eta Etxalde sindikatuek elkarretaratzea deitu dute datorren astearterako, Barakaldon, beharginaren heriotza salatzeko.
29 urteko gizon bat hil da bart, maiatzaren 16an Sestaon izandako lan istripu batean jasandako zauri larrien ondorioz, ELA sindikatuak gaur jakinarazi duenez.
Sindikatuaren arabera, iturgin lanak egiten ari zela altueratik etxebizitza bateko patiora erori zen.
Hildakoa birritan azpikontratatutako langilea zela salatu du sindikatuak. Sirkus Sistema de Tiendas SL enpresak azpikontratatu zuen eta, era berean, Sirkus enpresa Leroy Merlinek azpikontratatuta zuen.
Azpikontratazioak prebentzioa eta segurtasuna kaltetzen dituela nabarmendu ostean, diruaren gainetik pertsonen osasuna eta bizitza lehenesteko "borondate politikoa" behar dela salatu du ELAk.
Urtea hasi zenetik 27 langile hil dira lan istripuetan, ELAk egindako kontaketaren arabera. Zehazki, Bizkaian sei dira hildakoak.
LAB, ESK, Steilas, Hiru, EHNE eta Etxalde sindikatuek elkarretaratzea deitu dute datorren astearterako, beharginaren heriotza salatzeko eta "azpikontratazio kateak hil" egiten duela ohartarazteko. Protesta Barakaldoko Leroy Merlin aurrean egingo dute 12:30etatik aurrera.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa