Iberiak 444 hegaldi utziko ditu bertan behera urtarrilaren 5etik 8rako grebaren eraginez

AGENTZIAK | EITB MEDIA

Handling-eko (lurreko zerbitzua) grebak 45.600 bidaiariri baino gehiagori eragingo die. Konpainiak hegaldien baldintzak malgutu ditu, bezeroei aldaketak eta diru-itzulketak errazteko.

Orria entzun Orria entzun

Iberiaren hegazkin baten artxiboko irudia. Argazkia: EFE

Whatsapp
Whatsapp
twitt
Bidali
Esteka kopiatu

Albisteak (1)

Eguberrietan greba Iberian. Zer egin behar dugu egun horietarako hegaldiren bat badugu?

Iberiako handling zerbitzuaren (lurreko Zerbitzua) grebak 444 hegaldi utziko ditu bertan behera eta 45.600 bidaiariri baino gehiagori eragingo die. Urtarrilaren 5, 6, 7 eta 8rako deitu dute CCOO, UGT eta USO sindikatuek greba, eta Iberia, Iberia Express eta Air Nostrum konpainien hegaldiei eragingo die.

Airelineak hegaldi-datak aldatzea edo zenbatekoak itzultzea eskatzeko aukera eman die bezeroei, birkokatu ahal izateko edo beren ibilbideetan alternatibak bilatzeko.

Handling zerbitzuaren grebaren ondorioz, Iberia konpainiaren 270 hegaldi, Iberia Expressen 64 hegaldi eta Air Nostrum konpainiaren 110 hegaldi geratuko dira bertan behera. Konpainiak adierazi duenez, "datozen egunetan" emango diete kaltetutakoei beste hegaldi batzuetan birkokatzeko aukeren berri.