Eusko Jaurlaritzak abuztura arte luzatu ditu ibilgailu elektrikoentzako laguntzak

Eusko Jaurlaritzak uztailaren 31ra arte luzatu du ibilgailu elektrikoak eta kargatzeko zutoinak erosteko Moves III Planeko laguntzak eskatzeko epea, Energiaren Euskal Erakundeak (EEE) jakinarazi duenez.

Dirulaguntza 4.500 eurokoa da ibilgailu elektriko bat erosteagatik. Kopuru hori 7.000 eurora arte handitu daiteke ibilgailu zaharra txatarra botatzeko bada, eta 7.700 eurora irits daiteke 5.000 biztanletik beherako udalerrietan bizi diren edo mugikortasun murriztua duten pertsonentzat.

Kargatzeko puntuak instalatzeko, berriz, laguntza kostuaren % 80raino irits daiteke 5.000 biztanletik beherako udalerrietan.

Dirulaguntza jaso dezaketen ibilgailuak elektriko hutsak, hibrido entxufagarriak eta erregai-pilaren bidez mugitutakoak dira. Motorrak, turismoak, furgonetak edo ibilgailu astunak izan daitezke.