Ekonomia
GREBA
Eguberrietan greba Iberian. Zer egin behar dugu egun horietarako hegaldiren bat badugu?
ANE SANTESTEBAN | EITB MEDIA
Gabon bete betean greba egingo duela iragarri du Iberiak. Bidaiari askori eragingo diete lanuzteek eta, hori dela eta, Kepa Loizaga OCUk Euskadin duen ordezkariarengana jo dugu. Bidaiarien eskubideak zein diren jakiteko gakoak eman dizkigu.
Hegaldietako grebak kolokan jarri ditu askoren Gabonetako oporrak. UGT eta CCOO sindikatuek zortzi greba egun deitu dituzte Iberiako aireontziei eta bidaiariei lurreko arreta emateko zerbitzuetan (handling). Lanuzteok abenduaren 29, 30 eta 31rako eta urtarrilaren 1, 4, 5, 6 eta 7rako deitu dituzte, eta lanuzteek egun horietan bidaiatzeko asmoa duten milaka bidaiariri eragingo diete.
Baina nola eragingo die? Zer eskubide du bidaiari batek bere hegaldia bertan behera geratzen bada?
Kepa Loizagak, OCUk Euskadin duen ordezkariak nabarmendu duenez, ezohiko arrazoia ez denez, bidaiariak beti eskubideak izango ditu, modu desberdinean bada ere. Hegazkin-konpainiak 14 egun baino gutxiagoko aurrerapenarekin jakinarazi badu ezeztapena, bidaiariak kalte-ordain ekonomikoa jasotzeko eskubidea izango du.
Iturria: EITB
Era berean, bidaiariek eskubidea dute aireportuaren eta ostatu-lekuaren arteko informazioa jasotzeko, baita laguntzarako eta garraiorako eskubidea ere.
Azpimarratzekoa da hegazkin-konpainiak ez duela konpentsaziorik ordaindu beharko, baldin eta, hegaldia bertan behera utziz gero, aurreikusitako irteera-ordua baino gutxienez bi aste lehenago jakinarazten badio bidaiariari.
