Auzitegi Konstituzionalak aberastasun handien gaineko zerga babestu du

AGENTZIAK | EITB MEDIA

Konstituzionalak atzera bota du Madrilgo Erkidegoak fortuna handien gaineko zergaren aurka jarritako helegitea. Madrilgo Gobernuak aurtengo otsailean aurkeztu zuen helegite hori, Madrilgo Erkidegoaren aurkako "atentatua" zelakoan.

Orria entzun Orria entzun

Auzitegi Konstituzionala. EFE.

Whatsapp
Whatsapp
twitt
Bidali
Esteka kopiatu

Auzitegi Konstituzionalak atzera bota du Madrilgo Erkidegoak fortuna handien gaineko zergaren aurka jarritako helegitea. Madrilgo Gobernuak aurtengo otsailean aurkeztu zuen helegite hori, Madrilgo Erkidegoaren aurkako "atentatua" zelakoan.

Iturri juridikoek EFEri baieztatu diotenez, kontrako zazpi boto eta aldeko lau boto izan dira.

Aberastasun handien elkartasunaren aldi baterako zergak, 2023 eta 2024 urteetarako onartuak, 3 milioi eurotik gorako ondare garbiei eragiten die.

Joan den irailean, Auzitegi Nazionalak baztertu egin zuen zerga, Madrilgo Familia Enpresaren Elkarteak nahi zuen bezala, kautelaz etetea, horrek lege bat bertan behera uztea ekarriko lukeelako eta hori bere eskumenetatik kanpo dagoelako.

Zure interesekoa izan daiteke baita ere: Gipuzkoa, Araba eta Bizkaiko ogasunek aberatsak zergapetzeko 3,2 milioitik gorako ondarea izan beharko dute