Europako Batzordeak ohartarazi du "salbuespen iberiarra" ezin dela abendutik harago luzatu

AGENTZIAK | EITB MEDIA

Espainiako Gobernuak urtarrila hasieran iragarri zuen gasari ezarritako gehienezko prezioa 2024ko maiatzera arte luzatzeko eskatuko zuela.

Orria entzun Orria entzun

Argindar dorreak. Artxiboko argazkia: EFE

Whatsapp
Whatsapp
twitt
Bidali
Esteka kopiatu

Albisteak (1)

Iberiar salbuespena 2024ko amaierara arte luzatzeko eskatuko dio Espainiak Bruselari

Europako Batzordeak Espainiari eta Portugali jakinarazi die "salbuespen iberiarra" ezin dela 2023ko abendutik aurrera luzatu, orduan amaitzen baita gasaren prezioari ezarritako muga.

ZURE INTERESEKOA IZAN DAITEKE: Zer da gasaren topea eta noiz arte egongo da indarrean?

Margrethe Vestager Europako Batzordeko Lehia komisarioak jakinarazi zien Teresa Ribera Espainiako Gobernuko hirugarren presidenteorde eta Trantsizio Ekologikorako ministroari eta Duarte Cordeiro Portugalgo Ingurumen eta Ekintza Klimatikorako ministroari asteazken honetan egindako bileran, iturri diplomatikoek baieztatu dutenez.

Espainiako Gobernuak urtarrilaren hasieran aurreratu zuen Europako Batzordeari eskatuko ziola "salbuespen iberiarra" gutxienez 2024ko amaierara arte luzatzeko. Hala ere, aipaturiko iturrien arabera, Espainiak eta Portugalek onartu egin dute erabakia.

"Salbuespen iberiarra" deitzen zaio elektrizitatea sortzeko erabiltzen den gasaren prezioa mugatzen duen mekanismoari.