Ekonomia
elikadura
Nola eragingo die BEZaren jaitsierak elikagai desberdinei?
eitb media
Espainiako Gobernuak sei hilabetez kenduko du premiazko elikagai guztien BEZa, eta jaitsi egingo du beste produktu batzuena.
-
Elikagaien BEZa adierazten duen grafikoa. Argazkia: EITB Media
Pedro Sanchez Espainiako Gobernuko presidenteak iragarri du sei hilabetez kenduko duela premiazko elikagai guztiei, besteak beste ogiari eta esneari, aplikatzen zaien % 4ko BEZa, eta olioa eta pastarena murriztuko dituela, Ukrainako gerraren eraginari eta inflazioaren gorakadari aurre egiteko.
Elikagai mota bakoitzari aplikatuko zaion beherapena errepasatuko dugu jarraian:
- Premia biziko produktuak edo oso tasa murriztukoak
Espainiako elikaduraren BEZa tasa murriztuaren (% 10) eta supermurriztuaren (% 4) artean aldatzen da. Horrela, ogia, esnea, arrautzak, barazkiak, lekaleak edo fruta bezalako oinarrizko produktuetan, % 4ko ohiko BEZa erabat ezabatuko da datorren seihilekoan.
- Tasa murritzeko produktuak
Okela, arraina, olioa edo pasta tasa murriztukotzat jotzen dira, eta normalean BEZaren % 10ari lotuta daude; hemendik aurrera, BEZa % 5era jaitsiko da azken bi horien kasuan.
- Beste produktu batzuk
Talde horietan sailkatuta ez dauden beste zenbait produktuk, azukrea duten edariek edo alkoholdunek, esate baterako, % 21eko BEZa mantenduko dute.
Sanchezek adierazi duenez, Gobernuak "BEZaren beherapenak elikagaien prezioetan berehala aldatzen direla ziurtatuko du".
