Siemens Gamesak 1.226 milioi euroko diru galerak izan ditu

Siemens Gamesak 1.226 milioi euroko diru galerak izan ditu bere zerga ekitaldiko lehen 9 hilabeteetan. Taldeak aurreko urtean izandako 368 milioi euroko galerak hirukoiztu ditu.

Urteko bigarren hiruhilekoan, galerak 446 milioi eurotara igo dira, eta salerosketak, 2.436 eurotara, % 10 baino gutxiagora.

Konpainiaren arabera, merkatuaren aldakortasunak eta hornidura kateko atzerapenek eragina izan dute emaitzetan.

Datuen aurrean, enpresak adierazi du negozioan oinarritutako egitura bati jarraituko diotela, eta, aldi berean, COO (Chief Operating Officer) eta CTO (Chief Technology Officer) ekipoak indartuko dituela, "Siemens Gamesa osoan harmonizazioa eta estandarizazioa bizkortzeko".

Siemens Gamesak nabarmendu duenez, egitura berriari esker, negozio guztietarako ibilbide-orri bakarra sortu ahal izango da, eta Siemens Gamesaren gaitasun giltzarrietan jarriko da arreta.