Urkullu Mercedeseko zuzendaritzarekin bilduko da, automobilgintzaren sektorearekin duen konpromisoa azaltzeko

N. B. | EITB MEDIA

Lehendakariak Stuttgartera bidaiatuko du uztailean, "proiektu horrek automobil-industria osoaren eraldaketan duen garrantzia estrategikoa, eta Gasteizko lantegia konpainiak munduan duen lehiakorrenetako bat bezala sendotzeko duen garrantzia" azaltzeko.

Orria entzun Orria entzun

Mercedes Benzeko lantegia Gasteizen. Artxiboko argazkia: EITB Media.

Whatsapp
Whatsapp
twitt
Bidali
Esteka kopiatu

Albisteak (1)

Gasteizen 1.200 milioi euroko inbertsioa egitea aztertzen ari da Mercedes

Iñigo Urkullu lehendakariak iragarri duenez, uztailean Stuttgartera (Alemania) joango da Mercedes Benzeko presidentearekin biltzeko eta Eusko Jaurlaritzak, Arabako Foru Aldundiak eta Gasteizko Udalak automobilgintzaren sektorearen alde lanean jarraitzeko duten konpromisoa helarazteko.

"Datorren hilabetean Stuttgarten bilduko naiz Mercedes Benzeko presidentearekin, euskal automobilgintzaren sektorearen etorkizunean elkarlanean jarraitzeko konpromiso instituzionala helarazteko", esan du lehendakariak.

Urkulluk SEA-Arabako Enpresaburuen Batzar Nagusiaren amaiera ekitaldian parte hartu du Gasteizen. Bertan, "proiektu honek automobil-industria osoa eraldatzeko eta Gasteizko lantegia munduko lehiakorrenetarikoa izateko duen garrantzia estrategikoa" azpimarratu du.

Zure interesekoa izan daiteke: Gasteizen 1.200 milioi euroko inbertsioa egitea aztertzen ari da Mercedes

"Aukera izan dezakegu Mercedeseko 5.000 langile zuzenen eta zeharkako 30.000 langileren, eta Araban eta Euskadin ditugun 600 enpresa hornitzaile baino gehiagoren etorkizuna bermatzeko", esan du.

Era berean, inbertsio-proiektu hori aurrera eramateko "alde guztien lankidetza" bultzatu behar dutela gaineratu du.

0:33