Sinopecek YPF erosi nahi zion Repsoli

Erredakzioa

Sinopec talde txinarra prest dago "Fernandezen Gobernuaren eskaerei erantzuteko eta YPFko petrolio-ustiategien garapena eta ekoizpena arintzeko".

Orria entzun Orria entzun

Repsol YPFren inguruko titularrak, Argentinan. Efe.

Whatsapp
Whatsapp
twitt
Bidali
Esteka kopiatu

Sinopec Txinako bigarren petrolio talderik handiena Repsoli YPFren % 57,4 erostera prest zegoen 11.400 milio eurogatik, Caixin Interneteko finantza atari txinatarraren arabera.

Sinopec taldearen ustez, YPFk Argentinan dituen ustiategiek "garapen potentzial handia" dute eta "Fernandezen Gobernuaren eskaerei erantzuteko eta YPFko petrolio-ustiategien garapena eta ekoizpena arintzeko" prest daudela uste dute, Caixinek talde txinatarraren iturriak aipatuz jakinarazi duenez.

Bestalde, Txinako National Offshore Oil Corporation petrolio talde garrantzitsuak YPFrengatik 9.160 milioi euro eskaini zituela esan zuten joan den astean Espainiako burtsan, petrolio enpresaren gertuko iturrien arabera. Halaber, Vaca Muertako ustiategian (Repsolek aurkitutako garrantzitsuena) inbertitzeko konpromisoa hartu zuen.

Antonio Brufau Repsoleko presidenteak Madrilen egindako prentsaurrekoan onartu duenez, enpresa espainiarrak YPFn parte hartzeko eskaintzak jaso ditu, baina ez ditu enpresa horien izenak aipatu.

2010eko urrian, Sinopecek Repsolek Brasilen duen YPFren % 40a erosi zuen.

Iruzkinak