Luis de Guindosek koordainketaren ezarpena errefusatu du

Luis de Guindos Ekonomia eta Lehiakortasunerako ministroak osasun zerbitzuetan koordainketa ezartzea errefusatu du, honen aburuz, "ez baita irtenbiderik egokiena". Bestalde, osasun sistemaren kalitatea mantentzeko diru-sarrerak kontuan hartzearen alde azaldu da.

Horren iritzian, sistema horren iraunkortasuna bermatzeko, "funtsezkoa da osasun sistema erreformatzea", eta horretarako "etekinik ematen ez duten gastuak ezabatu behar dira" eta "ondo ez dauden gauzak zuzendu".

"Egiturazko defizita duen sistema bat gaur egun dituen baldintzetan mantendu dezakegun ikusi behar dugu", esan du, eta "eztabaida garrantzitsua da, Espainiako osasun sistemaren kalitatea dagoelako jokoan", gaineratu du.

"Gastuak arrazionalizatzeko ahaleginekin bat egingo dut beti, baina egun osasun sistemak duen kalitatea mantentzeko gauza garrantzitsuetan jarri behar dugu arreta, eta horrek ez du halabeharrez koordainketa eskatzen", azpimarratu du.

Ekonomia ministroaren esanetan, Gobernua ez da Osasun eta Hezkuntza zerbitzu publikoak berriro zentralizatzea planteatzen ari, eta horiek autonomia erkidegoek eskaintzen jarraituko dutela gaineratu du. "Inor ez da zerbitzuak berriro zentralizatzea proposatzen ari, autonomia erkidegoek jarraituko dute horiek eskaintzen, baina egungo egoera jasangarria den ikusi behar dugu; eseri, eztabaidatu eta irtenbideak bilatu behar ditugu", gaineratu du.