Volswagenen zuzendaritzak, UGTk eta CCOOk aldi baterako enplegu erregulazio espedientea adostu dute Nafarroan

Volswagenen zuzendaritzak, UGTk eta CCOOk aldi baterako enplegu erregulazio espedientea adostu dute Nafarroan 2022ko lehenengo seihilekorako --otsailaren 3tik ekainaren 30era arte--, ekoizpen arazoak tarteko.

Ohar batean zehaztu dute mikrotxip eskasiak ekoizpen erritmoan eragina izan duela, Landabengo lantegian. Horregatik, kudeaketa eredu ezberdin baten alde egingo dute, unean uneko arazoak konpontze aldera. Hain zuzen ere, bi aldeek adostutako formulak aplikatuko dituzte, gabezia horri aurre egiteko.

Akordioaren helburua da urteko egutegian zehaztutako ibilgailuak ekoiztea, "kontuan izanda egungo egoerak ez duela errazten hornigaiekin lotutako arazoei berehalako irtenbidea ematea".

Enplegu erregulazio espediente honekin ekoizpen erritmoa jaistea saihestu, eta txanda osoetan ez ezkoizteko beharra kontzentratuko omen dute". Horrek esan nahi du hitzarmen kolektiboa betez, enpleguari eutsiko diotela.

2018ko abuztuaren 29an hitzartutako baldintza berdinak izango ditu aldi baterako lan erregulazio espediente berri honek.