Ekonomia
EAE-ko aurrekontuak
AGENTZIAK | EITB MEDIA
Enplegu Sailak 936 milioiko aurrekontua izango du datorren urtean eta Idoia Mendiak ekimen nagusiak azaldu ditu.
Idoia Mendia lehendakariordea eta Lan eta Enplegu sailburua. Argazkia: EFE
Eusko Jaurlaritzak Laneko Arriskuen Prebentziorako Behatokia sortuko du, eta lan medikuntzari buruzko katedra bat bultzatuko du, Euskal Herriko Unibertsitatearekin (EHU) elkarlanean.
Enplegu Sailak 936.227.285 euroko aurrekontua izango du datorren urtean, eta zenbateko horri Europar Batasunetik jasoko dituen 48.590.000 euro gehituko zaizkio.
Aurtengoarekin alderatuz gero, datorren urteko aurrekontua % 0,8 txikiagoa izango da. Idoia Mendia Lan eta Enplegu sailburuak azaldu duenez, murrizketa hori "ulertzekoa da", egoera ekonomikoak hobera egin duenez, 2022an diru gutxiago erabiliko dutelako diru-sarrerak bermatzeko laguntzetan (35 milioi euro gutxiago) eta aldi baterako lan-erregulazioengatik eman beharreko laguntzetan (4,3 milioi euro gutxiago).
Laneko Segurtasun eta Osasunerako Euskal Erakundera (Osalan) 17,2 milioi euro bideratuko dituzte, eta, beraz, aurrekontu hori % 10,4 haziko da aurtengo partidarekin alderatuta.
"Igoerarik handienetakoa hor egin dugu, laneko segurtasuna eta osasuna guretzat lehentasuna direlako", azpimarratu du Mendiak.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa