Eusko Jaurlaritzak ez dio Euskaltelen parte hartzeari uko egiten
Arantxa Tapia Eusko Jaurlaritzako Garapen Ekonomikorako sailburuak adierazi duenez, Eusko Jaurlaritzak Euskaltelen parte hartzea baloratu du, 2019an bezala, eta "ahal izanez gero" egiten jarraituko du, MasMovilek egindako erosteko eskaintza publikoaren ostean. "Euskaltel mahai gainean egon da eta dago", esan du.
Gobernu kontseiluaren osteko prentsaurrekoan, Tapiak MasMovilek iragarritako erosteko eskaintza publikoa (Euskaltelen akzioen % 100, 2.000 milioi euroren truke) eta Eusko Jaurlaritzak konpainian parte hartzeko aukera aipatu ditu.
Tapiak azaldu duenez, burtsan kotizatzen duen enpresa bat da, eta partaidetza bat eskuratzeko "burtsara joan eta akzioak erosi behar dira, eta ez da erraza izaten, edo norbaiti enkargatu behar zaio". "Kasu honetan, erosteko eskaintza publiko batez ari gara, oso gauza ezberdinez", gaineratu du.
"Azpiegitura enpresa horretan dugun partaidetza baloratzen genuen, azken belaunaldiko zuntz optikoari, banda zabal ultraazkarrari eta 5G sareari dagokienez berritutako sare batekin", zehaztu du.
Hori dela eta, "operazio horren ostean posible den baloratzen" jarraituko dutela azladu du. "Nahi izatea ez da beti ahal izatea" eta parte-hartzea ez gauzatzeko arrazoi bakarra egon ez zela adierazi du.
Bestalde, berretsi egin du "nahiko egokiak" direla MasMovilen baldintzak, gutxienez bost urteko konpromisoarekin, enpleguari, egoitza sozialari, fiskalari, 5Gren garapenari eta beste azpiegitura batzuei eusteko.
Akzioaren prezioaren igoeragatik Euskalteleko zuzendariek jasoko luketen 26 milioitik gorako bonusari buruz galdetuta, Tapiak esan du ez duela horren berri, horren inguruan zabaldutako informazioengatik izan ezik, baina adierazi du bonu horiek "existitzen badira", zuzendariek "enpresan parte hartzeko" erabil ditzaketela.
Albiste gehiago ekonomia
Sindikatuak, euskal polizian sartzeko lan-eskaintza publikoaz: “Azterketa egiteko tartea murriztu eta proba psikoteknikoak aldatu egin zituzten"
Ertzaintzarako eta Udaltzaingorako lan-eskaintza publikoan izandako emaitza txarrak direla eta, sindikatuek eta Segurtasun Sailak beste azterketa bat deitzea adostu dute. Udazken partean egingo dute, osagarri gisa. ErNE sindikatuaren idazkari nagusi Sergio Gomez de Segurak eta Ertzaintzako Esan sindikatuaren bozeramaile Iñaki Uragak hautaketa-prozesuetan aldaketak egiteko eskatu diote Arkautiko akademiari.
Txikizkako merkataritzaren salmentak % 6,4 hazi dira EAEn ekainean, eta 4,6 Nafarroan
Oro har, banaketa sektore guztietan igo dira salmentak, merkataritza elektronikoan izan ezik: azken horretan, % 0,6 jaitsi dira, aurreko hilabetearekin alderatuta.
Azterketa egin duten poliziagaien % 90ek ez dute gainditu, eta beste azterketa-deialdi bat egingo dute, premiaz
380 pertsonak soilik lortu dute prozesuaren bigarren fasean sartzea, eskaintzen diren 650 plazak baino dezente gutxiago. Hala, 300 bat plaza bete gabe geratuko lirateke. Ertzaintzak eta EAEko 25 udalerrik batera egin dute lan-eskaintza, eta pandemiaz geroztik egin den LEP handiena da.
Donostia, Galdakao, Iruñea, Tutera eta Nafarroako beste 19 udalerri sartu dira etxebizitza eremu tentsionatuen zerrendan
Espainiako Aldizkari Ofizialak astearte honetan argitaratu du Hego Euskal Herriko 23 udalerri bizitegi-merkatu tentsionatuko eremu deklaratzen dituen ebazpena. Iruñea eta Tuteraz gain, Nafarroan gune tentsionatu izendatu dituzte Eguesibar, Burlata, Barañain, Zizur Nagusia, Lizarra, Aranguren, Berriozar, Tafalla, Antsoain, Atarrabia, Corella, Elortzibar, Cintruenigo, Baztan, Altsasu, Uharte, Berriobeiti, San Adrian eta Azkoien.
Jaurlaritzak uste du muga-zergen akordioak "egonkortasuna" ekar dezakeela, enpresek inbertsioak egin ditzaten
Gasteizko Gobenuak nahiko lukeen akordioa ez bada ere, Mikel Torres Ekonomia sailburuak onartu du itunak nolabaiteko ziurtasuna dakarrela.
LAB sindikatuak lan-gatazkak direla eta 204 prozesu abiatu ditu 2024-2025 lan-urtean; 75, greben bidez
Sindikatuak aurkeztutako ekintza sindikalaren urteko txostenaren arabera, gatazken % 61ek negoziazio kolektiboa eta zerbitzu publikoen defentsa izan dute ardatz gisa. Lurraldeei erreparatuta, prozesu gehienak Bizkaian izan dira, baina langile kopuruari dagokionez, Araban izan esku-hartze gehienak.
Confebaskek ohartarazi du euskal enpresek "lehiatzeko zailtasun ugari" izango dituztela AEBn
Confebasken ekonomia arduradun Pablo Martinen ustez, Europar Batasunak eta Estatu Batuek lortu duten muga-zergen gaineko akordioa "albiste txarra" da, "euskal enpresek lehiatzeko zailtasunak" izango omen dituztelako. Alde positibo bakarra ikusten du: "Hilabete luzeko zalantzaldiaren ondoren, badakigu zer dugun". Hala ere, aurreratu du eragin nabarmena izango duela "euskal industrian garrantzitsuak diren sektoreetan, hala nola altzairugintzan, automobilgintzan, eta makina-erreminta, mahastizaintza eta ardogintzaren sektoreetan".
Gasteizko lorezainek lau hilabete daramatzate greban, eta protesta egin dute Jaurlaritzaren eta Enviser enpresaren etxe aurrean
Gasteizko lorezainek manifestazioa egin dute astelehen honetan Eusko Jaurlaritzaren eta Enviserren aurrean, Gasteizko Udalak lorezaintzarako kontratatutako enpresaren aurrean. Salatu dutenez, dagoeneko lau hilabete daramatzate greban, hitzarmen propioa eta soldata-hobekuntzak eskatzeko, eta ez omen dute aurrera egin.
Tubos Reunidosek 28 milioi galdu ditu lehen seihilekoan, merkataritza-gerraren ondorioz
Konpainiaren arabera, galera horien arrazoi nagusiak muga-zergen politikak dira, "merkatua ziurgabetasunez betetzea” eragin baitute.
"Turismoa % 5,7 inguru hazten ari da Euskadin, ekainera arteko datuen arabera"
Ekainera arte bildutako datuei erreparatuta, Euskadin turismoaren sektorea hazten ari da, batez ere udaz besteko turismoa. Hala adierazi du Jakes Agirrezabalek, Turismo eta Merkataritzako sailburuordeak, Euskadi Irratian egin dioten elkarrizketan. Gaineratu duenez, atzerritik etortzen dira batik bat. "Urte ona izaten ari da", nabarmendu du Agirrezabalek.