Astelehenean aldi baterako 234 enplegu-erregulazioko espediente aurkeztu zituzten

AGENTZIAK | ERREDAKZIOA

Publikatuta: 2020/11/11 11:40 (UTC+1) Azken eguneratzea: 2020/11/11 14:47 (UTC+1)

Horietako gehienak, oso salbuespen gutxirekin, ostalaritzaren sektorekoarekin loturikoak dira (tabernak, jatetxeak eta janari-banaketa). Guztira, 1.016 langileri eragiten diete.

1:19

Whatsapp
Whatsapp
telegram
twitt
Bidali
Esteka kopiatu

Albisteak (3)

4.000 eurorainoko laguntzak eskatzeko aukera izango dute EAEko taberna eta jatetxeek
'Ostalaritzarako diru-laguntzekin Merkataritza saileko aurrekontua bikoiztu dugu'
Goia, ostalaritzari laguntzeko "erreskate funts bat" martxan jartzearen alde

Bideoak (1)

Bi egunetan 534 erregulazio eskatu dira Lan sailean

Eusko Jaurlaritzako Lan eta Enplegu Sailak, larunbatean tabernak eta jatetxeak itxi ostean, aldi baterako 234 enplegu-erregulazioko espediente bideratzeko 34 eskaera jaso zituen astelehenean, 1.016 langileri eragiten dietenak.

Datuen arabera, astelehenean eskatutako aldi baterako enplegu-erregulazio horietako gehienak, oso salbuespen gutxirekin, ostalaritzaren sektorekoak dira (tabernak, jatetxeak eta janari-banaketa), eta ezinbesteko arrazoiengatik jarduera eteteagatik aurkeztu zituzten.

Bizkaian 103 eskaera egin dituzte (459 langile), Gipuzkoan 97 (438 langile) eta Araban 34 (119 langile).

Eusko Jaurlaritzak ostalaritza eta jatetxe establezimenduak ixteko agindua eman zuen ostegunean, eta neurri hori azaroaren 7an sartu zen indarrean. Eusko Jaurlaritzako Turismo, Merkataritza eta Kontsumo Sailak atzo bertan iragarri zuenez, 4.000 eurorainoko laguntzak eskatzeko aukera izango dute EAEko taberna eta jatetxeek.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu dira; beraz, agintariek emandakoei bakarrik egin kasu. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu COVID-19a ez hedatzeko modurik eraginkorrena eskuak sarri garbitzea dela. Ahoa estaltzeko maskarak derrigorrezkoak dira EAEn eta Nafarroan. Iparraldean, "espazio publiko itxietan" da derrigorrezkoa, baita Lapurdiko herri eta hiri nagusietan ere.