COVID-19ko 175 positibo berri atzeman dituzte Tuterako harakintza-enpresa batean
Uvesa harakintza-enpresaren Tuterako fabrikan egindako baheketan, COVID-19ko 175 positibo berri atzeman dituzte. Lan-arloan Nafarroan orain arte izandako agerraldirik handiena da, eta baheketa langileen artean hainbat positibo detektatu ostean egin dute.
Agerraldia atzemanda, Uvesa Taldeak ziurtatu du "prebentziozko neurri guztiak" hartu dituela, eta beharrezko protokolo guztiak jarraitu; halaber, agintarien eskura jarri da, "balizko konponbiderik onenak bilatzeko".
Hala ere, CC. OO. sindikatuak salatuta zuen, Lan Ikuskaritzaren aurrean, fabrika horretako langileak "ziurtasun-gabeziako egoeran" zeudela, COVID-19ari begira; halaber, ohartarazi zuen oinarrizko segurtasun-neurriak ez zirela betetzen ari, segurtasun-tartea edo maskara erabiltzea kasu, ez ekoizpen-lerroetan ezta jantokian ere. Hegaztiak prozesatzen dituzte lantegian.
Fabrikan, baheketa gauzatu dute, probetako "kopuru nabarmena" eginez; baina ez diete langile guztiei PCR probarik egin, Santos Indurain Nafarroako Gobernuko Osasun kontseilariak asteazkenean zehaztu zuenez. Indurainen esanetan, PCRak borondatezkoak dira, eta, gainera, hainbat langile oporretan daude.
Azkenean, Foru Gobernuak ostegun honetan jakitera eman duenez, 175 positibo atzeman dituzte, lantegian egindako baheketa berezitik etorritako 640 laginak aztertuta.
Osasun Departamentua hartu beharreko neurriak ari da aztertzen, enpresako zuzendaritzarekin. ELA sindikatuak (gehiengoa du, zortzi ordezkarirekin; CC. OO. sindikatuak bost ditu, eta UGTk lau), baina, "jarduera segituan etetea" eskatu du, "fabrikako langileentzako eta horien senideentzako berehalako arriskua baitago, bai eta Erriberako gizartearentzako arriskua ere".
Enpresak ez balu erabaki hori hartuko, eta CC. OO. sindikatuak ere egin duenez, ELAk eskaria egingo lieke Nafarroako osasun-agintariei azken horiek esku har dezaten, eta ekoizpena eten dezaten, langileen eta horien familien segurtasuna bermatuta izan arte. Gehitu duenez, geldiketa horren ondorioak enpresak hartuko beharko lituzke bere gain.
800 langile baino gehiago
Enpresan, berezko kontratuak eta azpikontratatutako langileak zenbatuta, 800 langile baino gehiago daude. ELAren esanetan, hegazti-hiltegi hori, tenperaturaren eta kate-lanaren baldintzengatik, birusa hedatzeko oso aproposa da, munduko beste zenbait tokitan frogatu denez.
Osasun Publikoko eta Lan Osasuneko teknikariak eta Lehen Mailako Arretako taldeak, aldiz, kontaktuen jarraipena ari dira egiten. Positibo eman duten batzuk ez dira Nafarroan bizi, baizik eta Aragoin, Sorian edo Errioxan, eta horrek zailtasun handiagoa gehitu dio agerraldi honetako kudeaketari; Nafarroako Gobernuak azaldu duenez, proba egin dioten lantaldeko zatiaren adin-tarteei erreparatuta, eta kontuan izanik zenbat positibo atzeman dituzten, jarraipena baldintzatuta dago.
Albiste gehiago ekonomia
Zangozako Mina Muga meategian 270 milioi euroko inbertsioa egiteari uko egin dio Txinako Qinghai taldeak
Geoalcali filialaren bitartez, Mina Muga proiektuaren sustatzaile den Highfield Resources Limitedek ziurtatu du inbertitzaileekin hitz egiten eta finantzaketa aukera berriak aztertzen ari dela proiektuarekin aurrera jarraitzen saiatzeko.
Sagarrondoak eguzki plaken azpian: Sagardo sagarrak ekoizteko lehen instalazio fotovoltaikoa jarriko dute Gasteizen
Iberdrolaren proiektu aitzindaria da, eta energia elektriko berriztagarria ere ekoitziko du. Egitura berri horrek sagarrondoei itzala emango die, sagarraren kalitatea hobetuz.
Alstom multinazionalak berriro helegitea aurkeztu du Belgikako kontratua CAFi esleitzeko erabakiaren aurka
Konpainia frantziarrak argudio berriak azaldu beharko dizkio Belgikako Estatu Kontseiluari, orain arte organo horrek Beasainen egoitza duen enpresaren alde egin izan baitu.
Basauriko Serveo enpresako langileek greba bertan behera utzi dute negoziazioek jarraitzen duten bitartean
Basauriko Serveo enpresako langileek bertan behera utzi dute astelehenerako iragarrita zegoen greba, 39 langileetatik 22 kaleratzea aurreikusten duen EREaren inguruan enpresarekin negoziazio berriak hasi ostean.
EAEko esportazioek % 0,7 egin dute behera urteko lehen seihilekoan
Guztira, Euskadik 15.716,9 milioi euro esportatu ditu ekainera arte, aurreko urteko epe berean baino 109,5 milioi gutxiago. Esportazioek behera egin arren, 2.113 milioi euroko merkataritza saldo positiboa izan da.
Gutxieneko pentsioak Euskadin gutxieneko soldataren pareraino osa daitezen eskatu dute pentsiodunek Bilbon
Ibilbidean zehar, honako leloak oihukatu dituzte: "Legebiltzarkideak, Herri Ekimen Legegile hau onartu behar da", "Gutxieneko pentsioa, gutxieneko soldataren pare" edo "Egoitzei arreta gehiago". Izan ere, Euskal Autonomia Erkidegoan (EAE) gutxieneko pentsioak Langileen Gutxieneko Soldataren (LGS) pareraino osa daitezen eskatzen dute pentsiodunek.
Eusko Jaurlaritzak atariko administrazio-baimena eman dio Arabako Erriberabeitiko 'Beitia' planta fotovoltaikoari
Proiektuak 7.000 panel baino gehiago aurreikusten ditu 4 MW sortzeko.
Euskadiko hotelen eta landetxeen batez besteko okupazioa % 90ekoa izan da abuztuko lehen hamabostaldian
Gelditzen den uda sasoiari begira ere, oro har, baikor mintzatu dira ostatuetako arduradunak.
BetiON zerbitzuan grebaren jarraipena % 85ekoa izan da, sindikatuen arabera
Langile batzordeak eskatzen du uztailaren 16an kaleratutako langile bat berriro onartzeko, zehapen-araubidearen ordezko neurriak hartzeko eta erasoen aurrean protokolo eraginkorrak abian jartzeko. Enpresak neurririk hartu ezean, ez dituzte baztertzen greba egun gehiago.
Serveoko langileak 22 laguni eragiten dien enplegu-erregulazioko espedientearen aurka bildu dira Basaurin
CCOOk deituta, Serveoko langileek "Bridgestoneko kaleratze ikusezinak" salatu dituzte, eta datorren astelehenean hasiko den greba mugagabea deitu dute.