Langabeziaren diru-laguntzak BGAEekin osatu ahal izango dira EAEn

agentziak | erredakzioa

Ez da beharrezkoa izango BGAEk eskatzen duen epera iristea, eta osasun krisiarekin lotutako erregulazio txostenak pairatzen ari diren langileei eta autonomoei dago zuzenduta neurria.

Orria entzun Orria entzun

Langilea. Argazkia: EiTB

Whatsapp
Whatsapp
twitt
Bidali
Esteka kopiatu

Albisteak (4)

Pandemiak gastu publikoa doitu beharra eragingo duela ohartarazi du Azpiazuk
Azpikontratatutako beharginen enplegua eta lan-baldintzak bermatzeko eskatu du ELAk
Munduko Merkataritza Erakundeak azaldu du 2008koa baino krisi okerrago bat datorrela

80.979 langileri eragiten diete aldi baterako lan-erregulazio espedienteek EAEn

Eusko Jaurlaritzak eta Borondatezko Gizarte-Aurreikuspeneko Erakundeek (BGAE) akordioa egin dute osasun krisiaren ondorioz lan erregulazioak pairatzen ari diren langile eta autonomoek langabeziaren diru-laguntzak BGAEen bitartez osa ditzaten berehala, Legeak eskatzen duen gutxieneko epera iritsi gabe ere.

Ogasun eta Ekonomia Sailak jakitera eman duenez, kaltetutako langileen oinarri arautzailearen % 100era arte osatu ahal izango da BGAEen bidez.

Adostutakoaren arabera, BGAEak kideei laguntzea dute helburu beharrezkoa den garaietan, nahiz eta berez Gizarte Segurtantzaren pentsioak osatzeko sortu ziren. Osasun krisia "salbuespeneko egoera" da eta "salbuespeneko neurriak eskatzen ditu behar ekonomikoko garaiotan langileen segurtasuna babesteko, eta ahal den heinean koma ekonomikoa saihesteko", akordioan agertzen denez.

Horregatik, BGAEek eta Eusko Jaurlaritzaren Finantza Politikako Zuzendaritzak "ahultasun ekonomiko unean dauden langileei laguntzea" erabaki dute.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.