EBZk 750.000 milioiko programa jarri du abian koronabirusaren krisiari aurre egiteko

agencias | redacción

Moneta erakundeak "ekonomiaren sektore guztiei", familiei, enpresei, bankuei eta gobernuei lagundu nahi die horrela.

Orria entzun Orria entzun

Christine Lagarde EBZren presidentea. Argazkia: Efe

Whatsapp
Whatsapp
twitt
Bidali
Esteka kopiatu

Albisteak (3)

Europako banku Zentralak (EBZ) bart ezusteko iragarpena egin du, izan ere, bono publikoak eta pribatuak erosteko 750.000 milioi euroko programa jarriko du abian koronabirusaren krisiak sortutako "arriskuari" aurre egite aldera.

Hori horrela, pandemiagatik aurrera eramango duen programak erosketak egingo ditu "aktibo hautagarrietako kategoria guztietan" urtea amaitu bitartean.

Hala ere, EBZren Gobernu Kontseiluak programa luzatzeko eskubidea duela adierazi du, krisia oraindik ez dela amaitu irizten badio aurrera jarraitu ahal izateko.

Gainera, erosketak "malguak" izango omen dira, eta ez dituzte espazioan eta denboran modu erregularrean banatuko. "Horrela gora-beherak izango dira erosketetan bai denboran, bai eremuan eta bai aktibo motetan".

Moneta erakundeak "ekonomiaren sektore guztiei", familiei, enpresei, bankuei eta gobernuei lagundu nahi die horrela.

EBZk bere esku "dagoen guztia" egingo omen du, horretarako "erabat prest" dagoelako.

Kontuan izan osasun agintariek koronabirusaren aurrean eman dituzten aholkuak. Albiste faltsuak zabaldu arren, agintariek emandakoei bakarrik egin kasu. Zalantzarik baduzu edo gaitza hedatu den gune batera bidaian joan ostean sintomarik baduzu, Osasun Kontseiluaren telefonora dei dezakezu: 900 20 30 50 (EAE) eta 948 290 290 (Nafarroa). Gogoratu COVID-19 gaitza ez hedatzeko modurik eraginkorrena eskuak sarri garbitzea dela; ahoa estaltzeko maskarak bakarrik dira gomendagarriak sintomak badituzu edo adineko pertsonekin edo immunodeprimituekin harremanetan bazaude.