Ekonomia
Gatazka
Agentziak | Erredakzioa
Epaiketa Siemens Energy sozietate berria sortu ondoren sor zitezkeen interes-gatazkengatik egin behar zen. Izan ere, Gamesa, talde berriaren parte izango litzateke.
Siemens Gamesa. Artxiboko argazkia: EFE
Siemens Gamesagatik Iberdrolak Siemensen aurka jarritako demandaren epaiketa gaur, asteartea, hastekoa zen Bilboko merkataritza-arloko epaitegian, baina atzeratu egin dute.
Zehazki, epaiketa hori, Siemens Energy sozietate berria sortu ondoren sor zitezkeen interes-gatazkengatik egin behar zen. Izan ere, lehendik existitzen zen Gamesa konpainia talde berriaren parte izango litzateke. Siemens talde alemaniarrak konpainia horren akzioen % 59 ditu, eta, Iberdrolak, berriz, % 8.
Testuinguru horretan, Iberdrolak uste du Siemensek energia-negozio osoa erosi nahi dioela, Siemens Gamesa barne, eta konpainia horren jarduera guztia bilduko lukeen beste sozietate berri batera (Siemens Energy) eraman.
Sozietate horrek aurten kotizatuko luke burtsan, baina, Iberdrolaren ustez, aldaketa horrek Gamesaren kontratuei eragingo die, eta, kalte ekonomikoez gain, konpainien arteko interes-gatazkak ekar ditzake.
Talde alemaniarraren ordezkariek, ordea, ez dute uste aldaketa horiengandik "tira-birak sortzeko arriskua" egon daitekeenik.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa