Kalte-ordaina eman beharko diote amiantoak gaixotutako langile bati

Bilboko lan-arloko 2. epaitegiak amiantoaren eraginez minbiziak jotako langile bati 311.000 euro baino gehiagoko kalte-ordaina ematera zigortu ditu  Sidenor eta Confivacasa.

Euskadiko Amiantoaren Biktimen Elkarteak (Asviamie) prentsa-ohar batean adierazi duenez, biktimak ijele lanak egin zituen 1972tik Echevarria SA enpresan, Basaurin (Bizkaia), 2003an aurretiko-erretreta eta 2010ean behin betiko erretiroa hartu arte.

2018an, mesotelioma epitelioide gaizto bat diagnostikatu zioten, eta, urte bereko urrian, laneko gaixotasun baten ondoriozko ezintasun iraunkor absolutua aitortu zion Gizarte Segurantzak.

Laneko Segurtasun eta Osasunerako Euskal Erakundeak (Osalan) eta Lan Ikuskaritzak egindako txostenen arabera, langileak amiantoaren eraginpean izan zen bere lan-bizitzan zehar.

Asviamieren esanetan, langileak ez zuen partikula kutsagarrietatik babesteko ekipamendurik izan, eta enpresak ez zuen amianto-zuntzak arnasteko arriskuaz ohartarazi.