Irungo CAF konpainiako langile bat hil da amiantoaren eraginez

agentziak | erredakzioa

Enpresa batzordearen arabera, guztira hiru behargin zendu dira gaixotasun horrengatik Irungo lantegian eta 37 Beasaingoan.

Orria entzun Orria entzun

Beasaingo CAFeko langileek amiantoaren kontra egindako manifestazio bat. Artxiboko argazkia: EiTB

Whatsapp
Whatsapp
twitt
Bidali
Esteka kopiatu

Albisteak (4)

Amiantoak kaltetutakoen aldeko martxa egin dute trenbideetako langileek, Beasainen
Amiantoaren biktimentzako lege bat eskatu dio berriro Legebiltzarrak Kongresuari
Amiantoaren eraginez 37 langile hil direla salatu du CAFeko enpresa batzordeak

Kalte-ordaina berretsi diote amiantoagatik hildako gizon baten sendiari

Irungo CAF enpresako langile bat hil zen asteartean amiantoak kutsatuta, enpresa batzordeak jakinarazi duenez.

CAFek Irunen duen lantegian hiru behargin zendu dira amiantoaren eraginez aurten. Beasaingo fabrikan, ostera, 37 langile hil dira guztira; eta Zaragozan, 49.

Auzi honetan duen "ardura bere gain hartzeko" eskatu dio langileen batzordeak CAFeko zuzendaritzari. Halaber, amiantoarekin lotutako gaiak auzitegira eramateari uko egin diezaiola galdegin dio, "familien sufrimendua ez luzatzeko".

Langile ordezkariek ordubeteko geldialdia egingo dute ostegunean, maiatzaren 22an, 10:00etatik 11:00etara, heriotza hori salatzeko. Ordu horretan langileak beilatokira joango dira lankidea agurtzeko eta familiari doluminak emateko.