Aitatasun baimenak 8 astekoak izango dira apirilaren 1etik aurrera
Bost astetik zortzira luzatuko dituzte aitatasun baimenak, apirilaren 1etik aurrera. Aste horiek nahi bezala banatu ahalko dituzte, baina lehenengo hamabost egunak amarekin batera hartzera behartuta daude, semea edo alaba jaio eta batera. Gainerako sei asteak, berriz, urtebeteko epean hartu beharko dituzte.
Espainiako Gobernuko iturriek azaldu dutenez, enpresek eta Gizarte Segurantzak araudi berrira egokitzeko denbora izan dezaten atzeratu dute, apirilera arte, aitatasun baimen berrien ezarpena.
Estatuko Aldizkari Ofizialak gaur bertan argitaratu du lege dekretua. Aitatasun eta amatasun baimenen parekatzea ez ezik, enpresei zuzendutako neurri jakin batzuk ere jasotzen ditu horrek.
Jaiotze baimenak
-Pixkanaka amatasun eta aitatasun baimenak parekatzea: 2020rako 12 aste eta 2021erako 16 aste.
-Baimenak bientzat izango dira berdinak eta jaiotze baimen bezala ezagutuko dira. Adoptatutako umeen kasuak ere kontuan hartuko dituzte, baita hamabi hilabetez azpiko haurren zaintza ere.
-Bihartik aurrera, ama biologikoa ez den gurasoak bi asteko baimena hartu beharko du haurra jaio edo adoptatu eta batera. Bestalde, gainerako sei asteak urtebeteko epean hartu beharko ditu, nahi bezala.
-2020an lau asteko baimena izango du aitak, umea jaio den egunetik aurrera hartzeko. Gainerako zortzi asteak hamabi hilabeteko epean hartu beharko ditu.
-2021ean, berriz, 6 astekoa izango da hasierako baimena. Horrez gain, beste hamar aste izango dituzte biek, urtebeteko epean nahi duten moduan banatzeko. Gainera, beste astebeteko baimena jasoko dute, baldin eta baimen horiek zuzen banatzen badituzte. Horrela bada, astebete gehiago izango du bakoitzak.
-Lehenengo sei asteetan lanaldi osoko baimena hartu beharko dute. Nolanahi dela, gainerako hamar asteetan lanaldi partzialera egokitu ahalko dituzte baimenak.
Edoskitzea
-Apirilaren 1etik aurrera, ordubetez murriztu ahal izango dute lanaldia umeak bederatzi hilabete izan arte. Halaber, ordu horiek metatzeko aukera izango dute, ordu horiek guztiak jarraian hartuta. Kasu horretan, posible dute edoskitze baimena biek batera hartzea, baina besterenezina izango da.
-Eskubide hori modu parekatuan banatuz gero, haurrak urtebete izan arte luzatzeko aukera izango dute, baina bederatzigarren hilabetetik aurrera soldata murrizketarekin.
Albiste gehiago ekonomia
Euskadiko etxebizitza berrien prezioa, maximo historikoetan: 3.450 euro metro koadroko
Nafarroa aurretik (% 6,4) dago etxebizitza berrien prezioaren urtebeteko igoerari erreparatuta. Hiriburuei banan-banan begiratuta, batez besteko preziorik altuena Donostian dago, gero, Bilbon, eta azkenik, Gasteizen.
Iazko datuekin alderatuta, 3.074 langabe gutxiago zenbatu dira Euskadin uztailean, eta 78.743 kontratu sinatu dira
Ekainean baino 1.600 langabe gehiago daude, 104.991 guztira. Nafarroan duela urtebete baino 801 langabe gutxiago zenbatu dira, eta Espainiako Estatuan, oro har, 1.357 langabe gutxiago daude, eta 21.865.503 kotizatzailera iritsi dira. Kotizatzaile-kopuruaren gaineko datua maximo historikoa da.
Kutxabank, Espainiako bankurik kaudimendunena Europako Banku Zentralaren arabera
Erakundeak aise gainditzen du Europako batezbestekoa erresistentzia-testetan, eta Espainiako finantza-sektoreko kapital- eta palanka-adierazle nagusien buru da.
Ardo-ekoizleek AEBko muga-zergen eragin handiaz ohartarazi dute: "Ardoa % 50 garestituko da"
Mariasun Saenz de Samaniegok (Ostatu) Europako ardoaren garestitzeaz ohartarazi du, eta merkatu berriak bilatzeko deia egin du, Estatu Batuetan salmentak galduko direlako.
BBVAk 5.447 milioi euro irabazi ditu ekainera arte, % 9,1 gehiago, Espainian eta Mexikon izandako negozioari esker
Entitateak merkatuaren aurreikuspenak gainditzeaz gain, datozen urteetarako aurreikuspenak hobetu ditu, Sabadell erosteko eskaintza publikoaren harpidetza irekitzeko atzerako kontaketa bete-betean murgilduta dagoela. Hala ere, erakundeak ez du baieztatzen abiaraziko dutenik eta atzera egiteko aukera zabalik uzten du.
Bruselak baieztatu du ardoak AEBn % 15eko muga-zerga izango duela ostiraletik aurrera
Arabako Errioxarentzat, Ameriketako Estatu Batuak oso garrantzitsuak dira, bigarren merkatua baita bolumenari dagokionez eta lehena balioari dagokionez. Horregatik, Amaia Barredo Nekazaritza sailburuak "bide diplomatikoa eta negoziazioa azken minutura arte agortzea" eskatu du, ardoa salbuespena izan dadin.
ArcelorMittalen mozkinak % 80 handitu dira mundu mailan, 2.268 milioi euroraino
Sestaon, Basaurin, Legution, Agurainen, Olaberrian, Bergaran, Berriobeitin, Legasan eta Lesakan fabrikak dituen taldeak 2025eko bigarren hiruhilekoari dagokion txostena argitaratu du.
Gorenak arrazoia eman dio Bizkaiko Ogasunari BEZaren auzian, eta Euskadik 700 milioi euro berreskuratuko ditu
Gorenak eman berri du Coca-Cola enpresaren BEZa dela eta Foru Ogasunak eta Estatukoak zuten desadostasunari buruzko epaia. Horrelako kasuetan BEZa nork bildu behar duen zegoen auzibidean, eta ebatzi du Bizkaiak egin behar duela.
Elkarretaratzea egingo dute ostegunean Gasteizko Mercedesen, bederatzi orduko lanaldien aurka
Enpresak bederatzi orduko bi lanaldi ezarri zituen martxoan. CCOOk salatu duenez, eredu horrek "kontziliazioa eta atsedena erabat bazter uzten ditu".
Gehiengo sindikalak 100.000 sinaduratik gora bildu ditu gutxiengo soldata propioaren alde, eta abuztuan eramango ditu Legebiltzarrera
ELA, LAB, ESK, Steilas, Hiru eta Etxalde sindikatuek "arrakasta ikaragarritzat" jo dute kanpaina, eta ezarritako epea agortu baino itxi dute lehen sinadura-bilketa, "Eusko Legebiltzarrak gutxiengo soldataren eskumena lehenbailehen eska dezan".