Euskaltel osorik erosteko asmorik ez duela esan du Orangek

Agentziak | Erredakzioa

Orangeren erabakiak eragin zuzena izan du Euskalteleko akzioen prezioan, % 4,74 jaitsi baitira goizeko lehen orduan, 7,75 euroraino.

Orria entzun Orria entzun

Euskaltel enpresaren egoera. Argazkia: euskaltel.com

Whatsapp
Whatsapp
twitt
Bidali
Esteka kopiatu

Albisteak (3)

Euskaltelek % 8,9ko igoera izan du burtsan, Orangek erosi nahi duela zabaldu ostean
Zegonak finantziazio akordioak lortu ditu Euskalteleko akziodun nagusia izateko
Nafarroan, Leonen, Kantabrian, Katalunian eta Errioxan arituko da Euskaltel 2019an

Orange Frantziako telekomunikazio konpainiaren esanetan, ez du Euskaltel osorik erosteko asmorik, eta horrela jakinarazi dio, astelehen honetan, Balore Merkatuaren Batzorde Nazionalari.

Hala ere, "Orangek Espainian hazteko aukera buruan du beti", esan du enpresak Burtsen begiraleari bidalitako agirian.

Hainbat hedabidek ostiralean jakitera eman zutenez, Orangek Euskaltel erosteko eskaintza publikoa egiteko asmoa zuen, baina konpainia frantsesak ezeztatu eta argitu egin du informazio hori.

Orangeren agiriak eragin zuzena izan du Euskalteleko akzioen prezioan, % 4,74 jaitsi baitira goizeko lehen orduan, 7,75 euroraino.