Sestaoko La Navaleko langileak Navantian birkokatzeko konpromisoari eutsi dio SEPIk

EUSKADI IRRATIA

Beharginak Galiziako edo Andaluziako ontzioletara joateko hautua egin beharko lukete. Bestalde, Industria Ministerioak bertan behera utzi du langile-batzordearekin egin behar zuen bilera.

Orria entzun Orria entzun

Navaleko langileen protesta bat. Artxiboko argazkia: EFE

Whatsapp
Whatsapp
twitt
Bidali
Esteka kopiatu

Albisteak (7)

Sestaoko La Navalek lan-erregulazioko txostena aurkeztu du

La Naval ontziolako 150 langile Navantia talde publikoan birkokatzeko konpromisoa berretsi die SEPI Espainiako Industria Partaidetzarako Estatuko Sozietateak sindikatuei gaur Madrilen egindako bileran.

Baina langileek bi aukeren artean erabaki behar dute: batetik, Navantian jarraitzeko Galiziako Ferrolera edo Andaluziako Cadizera joatea eta, bestetik, Sestaon argi ez daukaten lanpostuari eustea.

Bestalde, Sestaoko ontziolaren etorkizunaz Industria Ministerioak, Eusko Jaurlaritzak eta langileen ordezkariek ostiral honetan Madrilen egin behar zuten bilera bertan behera gelditu da.

Sindikatuek gogor kritikatu dute Industria Ministerioaren jarrera: "Mobilizazioak gogortzen badira, ardura Espainiako Gobernuarena eta Eusko Jaurlaritzarena izango da, arazoari irtenbide bat ematen saiatu ere ez baitira egin".