Ekonomia
Kontsumorako Prezioen Indizea
KPIa % 0,1 igo da EAEn eta Nafarroan, otsailean
AGENTZIAK | ERREDAKZIOA
Batez ere, elektrizitatearen prezioaren igoerak; hotel, taberna eta jatetxeen; garraioen eta komunikazioen garestitzeak eragin du.
-
Etxebizitzaren prezioaren igoerak eragin du, besteak beste, prezioen gorakada. EiTB
Kontsumorako Prezioen Indizea % 0,1 igo da Euskal Autonomia Erkidegoan (EAE) eta Nafarroan, otsailean; urte arteko tasa, berriz, % 1 igo da EAEn eta % 0,8 Nafarroan, Espainiako Estatistika Institutuak astearte honetan argitaratutako datuen arabera.
Batez ere, elektrizitatearen prezioaren igoerak; hotel, taberna eta jatetxeen; garraioen eta komunikazioen garestitzeak eragin du KPIaren igoera. Neurri txikiagoan hazi dira elikagaien, alkoholik gabeko edarien, jantzien eta oinetakoen, kulturaren eta aisialdiaren prezioak.
Lurraldez lurralde, % 1,3 igo da urte arteko KPIa Gipuzkoan; % 0,9 Bizkaian; eta % 0,7, berriz, Araban.
Urtarrileko datuekin alderatuta, berriz, prezioek gora egin dute Bizkaian (% 0,2) eta Gipuzkoan (% 0,1) eta maila berean geratu Araban.
Bestalde, Espainian % 1,1 igo da urte arteko inflazioa otsailean, urtarrilean izandako prezioen igoera baino % 0,6 gehiago.
