Osakidetzako lan eskaintza: Hauek dira oinarri espezifikoak, kategoriaz kategoria

Eusko Jaurlaritzak 2016-2017 ekitaldiko Osakidetzaren lan eskaintza publikorako oinarri espezifikoak publikatu ditu EAEko Aldizkari Ofizialean.

Hain justu, deialdian izena emateko epea ostiral honetan (otsailak 16) irekiko dute, eta hilabete iraungo du. Azterketak aurtengo maiatzean eta ekainean egingo dituzte.

Ostegun honetan, 19 kategoriatako oinarri espezifikoak argitaratu dituzte, eta hurrengo astean gainerakoenak jakinaraziko dituzte.

Oinarriotan, lan postu bakoitzaren baldintzak eta ikasi beharreko materiala zehaztu dute.

Lan eskaintza honek SATSEren, UGTren eta Sindikatu Medikuaren babesa du, eta Osakidetzaren historiako handienetakoa da. Orotara, 3.335 lanpostu eskainiko dituzte.

Hauek dira orain arte publikatutako kategoriak

- Familia-medikua

- Pediatria

- Erizaintza

- Emaginak

- Osasun mentaleko Erizaintza

- Lan osasuneko Erizaintza

- Fisioterapia

- Erradiodiagnostikoko teknikaria

- Laborategiko teknikaria

- Anatomia Patologikoko teknikaria

- Dietetika

- Dokumentazio sanitarioa

- Erradioterapiako teknikaria

- Audioprotesiko teknikaria

- Administrazioko teknikaria

- Erizaintza laguntzailea

- Farmazia laguntzailea

- Administrari laguntzailea

- Zeladore

- Zerbitzuetako langile