Urte arteko KPIa % 2,9an mantendu da EAEn eta Nafarroan otsailean

Urte arteko Kontsumorako Prezioen Indizea (KPI) % 2,9ra igo da Euskal Autonomia Erkidegoan (EAE), Espainiako batezbestekoa baino hamarren bat gutxiago (% 3), Espainiako Estatistika Institutuak gaur argitaratutako datuen arabera. Beraz, urte arteko inflazioa mantendu egin da EAEn otsailean; izan ere, urtarrilean ere % 2,9koa izan zen.

EAEn, Kontsumorako Prezioen Indizea % 0,4 jaitsi da otsailean, aurreko hilabetekoarekin alderatuta.

Nafarroan ere, urte arteko KPIa mantendu egin da otsailean: % 2,9koa zen urtarrilean eta ez da aldatu otsailean. Halaber, inflazioa % 0,4 handitu da urtarrileko datuekin alderatuta.

Bestalde, Espainian % 3 igo da urte arteko inflazioa otsailean, urtarrilean bezainbeste (2012ko urritik inoiz izan den igoerarik handiena). Argindarraren merkatzeak eta erregaien zein barazki eta fruten garestitzeak bultzatuta egin dute gora prezioek.