Ekonomia
Kontsumorako Prezioen Indizea
AGENTZIAK | ERREDAKZIOA
Urteko arteko Kontsumorako Prezioen Indizea % 0,3an kokatu da irailean, batez ere, erregaien eta argindarraren garestitzearen ondorioz.
Urte arteko Kontsumorako Prezioen Indizea (KPI) % 0,4 igo da irailean, eta % 0,3an kokatu da. Aldi berean, aurten lehendabizikoz urte arteko inflazioa maila positiboan sartu da. Urte arteko Kontsumorako Prezioen Indizeak zenbaki negatiboak atzean utzi zituen azken aldia 2015ko abendua izan zen eta orduan inflazioa % 0,0koa izan zen.
Gaur Espainiako Estatistika Institutuak argitaratutako Kontsumorako Prezioen Indizearen iraileko datu aurreratuaren arabera, urte arteko inflazioa erregaien eta argindarraren garestitzearen ondorioz hazi da. 2015eko irailean, berriz, behera egin ziren.
Iraileko gorakada aintzat hartuta, urte arteko KPIa bost hilabetez jarraian igo da: maiatzean, hamarren bat; ekainean, bi hamarren; uztailean, bi hamarren; abuztuan, bost hamarren, eta irailean, lau hamarren.
Azken 27 hilabeteetatik 4tan baino ez du gora egin urte arteko inflazioak.
Hileko datuei erreparatuz gero, inflazioa % 0,1 igo zen irailean, aurreko hilabetearekin alderatuta; 2015eko irailean, berriz, % 0,3 jaitsi zen, abuztuko datuarekin konparatuta.
Gaur argitaratutako datuak gutxi gorabeherakoak dira. Iraileko behin betiko datuak urriaren 14an emango dituzte ezagutzera.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa