Ertzaintza 'esklabo egitea' egotzi diote sindikatuek Jaurlaritzari

AGENTZIAK | ERREDAKZIOA

ErNE, ELA, eta SiPE sindikatuek kontzentrazioa egin dute Erandioko polizia-etxean, eta Ertzaintzan 'entxufismoa' dagoela salatu dute.

Orria entzun Orria entzun

ErNE, ELA, eta SiPE sindikatuen kontzentrazioa. Argazkia: EFE

Whatsapp
Whatsapp
twitt
Bidali
Esteka kopiatu

Albisteak (1)

Ernek 15 agente 'entxufatzea' leporatu dio Segurtasun Sailari

ErnE, ELA eta SiPE sindikatuek kontzentrazioa egin dute gaur Erandioko polizia-etxearen aurrean eta Ertzaintzan ei dagoen "entxufismoa" salatzeaz gain, Ertzaintza "esklabo egitea" egotzi diote Estefania Beltran de Heredia Eusko Jaurlaritzako Segurtasun sailburuari.

ErNE eta ELA sindikatuek deitu dute gaurko protesta, baina SiPE sindikatuak ere bat egin du kontzentrazioarekin. Protesta bilkura Ertzaintzaren 103 mahaiaren negoziazio bilera hasi aurretik egin dute.

Goizeko bederatzietan, aipaturiko hiru sindikatuetako delegatuek honela zioen pankarta bat ireki dute: "Estefaniak entxufatu, diskriminatu eta esklabizatu egiten du".

Sindikatuek Ertzaintzako lanpostu-zerrenda (LPZ) arbuiatu dute, "lanpostuen esleipena entxufismoan oinarrituta" dagoelako, horien esanetan.

Egoera horren aurrean, zerbitzuen batzordea deitzea eskatu dute, kolektiboari erantzun orokorra emateko eta inork orain duen lanpostutik atzera ez egiteko.