Tsiprasek proposamen berria aurkeztuko die Merkeli eta Hollanderi

Alexis Tsipras Greziako lehen ministroak asteazken honetan aurkeztuko die Angela Merkel Alemaniako kantzillerrari eta Fraçoise Hollande Frantziako presidente frantziarrari akordiorako proposamen berria, Finantza Ministeriorik zabaldu dutenez.

Aipatutako iturriek baztertu egin dute proposamena Bruselako Taldea deitutakoan lehenago aurkeztea (Greziako eta zordunen ordezkariek osatutakoa), talde hori "soilik helarazi baitzitzaion plan greziarra" aurreko astean, baina ez erakundeena (Europar Batzordea, Europako Banku Zentrala eta Nazioarteko Diru Funtsa).

Greziak 47 orrialdeko proposamena aurkeztu zuen aurreko astean eta, Gobernuaren ustean, Bruselako Taldearekin egindako negoziazioen esparruan adostutakoa laburbildu zituen.

Zordunei proposamena

Erakunde zordunek jaso egin dute Greziak egindako proposamen berria erreformei buruz eta aztertzen ari dira dagoeneko, Europako erakundeetatik zabaldu dutenez.

Agiri horren bidez, Alexis Tsiprasek gidatutako Gobernuak kideak bateratzeko asmoa du, herrialderen bigarren erreskatea -7.200 milioikoa- ahalbidetzeko.

"Pentsaezina" pentsioak murriztea

Bestalde, Tsiprasen arabera, "Europak onartu egin beharra dauka austeritateak porrot egin duela" eta "pentsaezina" dela erakundeek pentsio baxuenak murriztea eskatzea, besteak beste.

Il Corriere della Sera Italiako egunkariak plazaratutako elkarrizketa batean, Tsiprasek azaldu du kontua ez dela aurkeztutako erreformak troikaren gustuko ez direla, baizik eta batzuek uko egiten diotela onartzeari "austeritateak porrot egin duela".

"Europak eta erakundeek onartu behar dute austeritateak kale egin duela. Ez da erabaki erraza, krisialdi iraunkor baten kostuan pentsatu egin behar dugu edo, are okerrago, porrot baten kostu historikoan", esan du.