Ekonomia
Eustat
Erredakzioa
Lurraldeka, eta urte arteko datuak kontuan hartuta, Gipuzkoan izan du BPGak hazkunderik handiena: % 2,1ekoa. % 1,9 hazi da Bizkaian eta % 1,6 Araban.
Langilea industria
EAEko Barne Produktu Gordina % 1,2 hazi zen 2014an, eta enpleguak, lanaldi osoko lanpostuak kontuan hartuta, % 0,3 egin zuen gora, Euskal Estatistika Erakundeak (Eustat) jakitera eman duenez.
2014ko azken hiruhilekoan, BPGak % 0,7ko hazkundea izan zuen, aurreko hiruhilekoko datuekin alderatuta. 2013ko azken bi hiruhilekoekin alderatuta, berriz, hazkundea % 1,9koa izan zen. Enplegu maila, urte arteko datuak aintzat hartuta, % 1 hazi zen.
Eraikuntzan izan ezik, gainerako sektore guztietan atzeman da ekonomiaren hazkundea: lehen sektorea % 5,5 hazi zen; zerbitzuen alorra, % 1,5 eta industriarena, % 1. Aurreko urteotan beheranzko joera izan dute sektoreok. Eraikuntzaren alorrak % 3 egin zuen behera iaz.
Enpleguari dagokionez ere, datu positiboak argitaratu ditu Eustatek. Lanaldi osoko lanpostuak % 0,3 hazi ziren 2014an, eta zerbitzuen alorrean sortu ziren lanpostu gehien. 2013ko datuak kontuan hartuta, % 1,3ko igoera izan zuen enpleguak sektore horretan.
Oro har, familien, enpresen eta administrazio publikoaren kontsumoaren igoerari esker egin du gora BPGak.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa