Erkoreka: 'Hasi dira euskal enpresak lanpostuak sortzen'
Azaroko langabezia datuak “baikorrak” dira, Jaurlaritzaren iritziz, eta euskal enpresak “lanpostuak sortzen hasi direla" erakusten dute, Josu Erkoreka Gobernuko bozeramailearen hitzetan. Datuak “zuhurtziaz” hartu dituen arren, Jaurlaritzak eutsi egin dio 2015ean enplegu garbia sortzeko erronkari.
Gobernu bileraren ondorengo agerraldian, Erkorekak azaroko datuen balorazioa egin du. EAEn, 2.093 pertsonatan jaitsi da langabezia azken hilabetean.
Langabeziaren aurkako borroka Jaurlaritzaren “lehentasunen artean” dagoela berretsi du Erkorekak. Hortaz, gaurko datuekin pozik agertu da bozeramailea, “euskal enpresak enplegua sortzen hasi baitira”.
Industria alorrean gertatu da jaitsiera handiena (% 3koa, hain zuzen ere). “Industrian sortzen diren lanpostuak egonkorragoak eta kalitate handiagokoak direla kontuan hartuta, datu oso baikorra da”, gaineratu du.
EAEko azaroko langabezia-datuak. Argazkia: eitb.eus
Espetxe-politika
Bestalde, Rajoy eta Hollanden arteko atzoko bilerak emandakoaz, Jaurlaritzak ez duela informazio berezirik esan du Josu Erkorerak.
Frantzian diren ETAko presoak espainiaratzea, Europako araudiaren aldaketaren ondorio logikoa dela esan du Jaurlaritzaren bozeramaileak.
Hollandek Frantziako espetxe-politika “denentzat berdina” zela esan zuen atzo, eta, ildo horretatik, Jaurlaritzak azpimarratu du salbuespen neurriekin bukatzea eskatzen duela Urkulluren Gobernuak.
Albiste gehiago ekonomia
Begi onez ikusten du Jaurlaritzak SEPIren sarrera Talgon, "proiektua sendotu eta Euskadin egonkortuko" duelako
Eusko Jaurlaritzako Industria, Trantsizio Energetiko eta Jasangarritasun sailburu Mikel Jauregiren iritziz, albistea ona da. Modu horretara, birfinantziazioa lortuko du enpresak, eskaera-zorroari aurre egiteko eta EAEn dituen lanpostuak finkatzeko aukera izango da.
Talgo erosteko operazioan sartuko da SEPI, Ministroen Kontseiluak argi berdea eman ondoren
75 milioi euroko aportazioarekin sartuko da operazioan Estatuko Industria Partaidetzarako Sozietatea (SEPI). Sanchez eta Pradales Madrilen bildu eta bi astera askatu da Talgoren finantziazioaren korapiloa.
Lorategi Hirian 98 etxebizitza babestu eraikitzea adostu dute Donostiako Udalak eta Jaurlaritzak
Donostiako Udala dagoeneko urbanizazio lanak egiten ari da inguru horretan, eta etxebizitzak eraikitzeko lanak datorren urteko erdialdean hastea aurreikusten da.
Sindikatuak, euskal polizian sartzeko lan-eskaintza publikoaz: “Azterketa egiteko tartea murriztu eta proba psikoteknikoak aldatu egin zituzten"
Ertzaintzarako eta Udaltzaingorako lan-eskaintza publikoan izandako emaitza txarrak direla eta, sindikatuek eta Segurtasun Sailak beste azterketa bat deitzea adostu dute. Udazken partean egingo dute, osagarri gisa. ErNE sindikatuaren idazkari nagusi Sergio Gomez de Segurak eta Ertzaintzako Esan sindikatuaren bozeramaile Iñaki Uragak hautaketa-prozesuetan aldaketak egiteko eskatu diote Arkautiko akademiari.
Txikizkako merkataritzaren salmentak % 6,4 hazi dira EAEn ekainean, eta 4,6 Nafarroan
Oro har, banaketa sektore guztietan igo dira salmentak, merkataritza elektronikoan izan ezik: azken horretan, % 0,6 jaitsi dira, aurreko hilabetearekin alderatuta.
Azterketa egin duten poliziagaien % 90ek ez dute gainditu, eta beste azterketa-deialdi bat egingo dute, premiaz
380 pertsonak soilik lortu dute prozesuaren bigarren fasean sartzea, eskaintzen diren 650 plazak baino dezente gutxiago. Hala, 300 bat plaza bete gabe geratuko lirateke. Ertzaintzak eta EAEko 25 udalerrik batera egin dute lan-eskaintza, eta pandemiaz geroztik egin den LEP handiena da.
Donostia, Galdakao, Iruñea, Tutera eta Nafarroako beste 19 udalerri sartu dira etxebizitza eremu tentsionatuen zerrendan
Espainiako Aldizkari Ofizialak astearte honetan argitaratu du Hego Euskal Herriko 23 udalerri bizitegi-merkatu tentsionatuko eremu deklaratzen dituen ebazpena. Iruñea eta Tuteraz gain, Nafarroan gune tentsionatu izendatu dituzte Eguesibar, Burlata, Barañain, Zizur Nagusia, Lizarra, Aranguren, Berriozar, Tafalla, Antsoain, Atarrabia, Corella, Elortzibar, Cintruenigo, Baztan, Altsasu, Uharte, Berriobeiti, San Adrian eta Azkoien.
Jaurlaritzak uste du muga-zergen akordioak "egonkortasuna" ekar dezakeela, enpresek inbertsioak egin ditzaten
Gasteizko Gobenuak nahiko lukeen akordioa ez bada ere, Mikel Torres Ekonomia sailburuak onartu du itunak nolabaiteko ziurtasuna dakarrela.
LAB sindikatuak lan-gatazkak direla eta 204 prozesu abiatu ditu 2024-2025 lan-urtean; 75, greben bidez
Sindikatuak aurkeztutako ekintza sindikalaren urteko txostenaren arabera, gatazken % 61ek negoziazio kolektiboa eta zerbitzu publikoen defentsa izan dute ardatz gisa. Lurraldeei erreparatuta, prozesu gehienak Bizkaian izan dira, baina langile kopuruari dagokionez, Araban izan esku-hartze gehienak.
Confebaskek ohartarazi du euskal enpresek "lehiatzeko zailtasun ugari" izango dituztela AEBn
Confebasken ekonomia arduradun Pablo Martinen ustez, Europar Batasunak eta Estatu Batuek lortu duten muga-zergen gaineko akordioa "albiste txarra" da, "euskal enpresek lehiatzeko zailtasunak" izango omen dituztelako. Alde positibo bakarra ikusten du: "Hilabete luzeko zalantzaldiaren ondoren, badakigu zer dugun". Hala ere, aurreratu du eragin nabarmena izango duela "euskal industrian garrantzitsuak diren sektoreetan, hala nola altzairugintzan, automobilgintzan, eta makina-erreminta, mahastizaintza eta ardogintzaren sektoreetan".