Valls, murrizketen plana leuntzeko prest, sozialistak baretzeko

Manuel Valls Frantziako lehen ministroa murrizketen plana leuntzeko prest agertu da astearte honetan, hainbat diputatu sozialisten eskaerak baretzeko asmoz. Azken horien ustez, plana behe klasearekin gogorregia da.

Gobernuburuak Alderdi Sozialisteko diputatuen ordezkaritza bati harrera egin dio gaur. Horiei murrizketen planean aldaketa batzuk egiteko prest dagoela azaldu die. Planak pentsioak eta funtzionarioen soldatak bere horretan geratzea aurreikusi du.

Plana 2015ean eta 2017an zabalduko da, eta asteazken honetan aurkeztuko dute Ministroen Kontseiluan. Asanblea Nazionalean hilaren 29an bozkatuko dute.

Bruno Le Roux Parlamentuko alderdi sozialisteko presidentea izan da ordezkaritzaren buru, eta Vallsek bere argumentuak entzun dituela adierazi du.

Bereziki, pentsio baxuenak kobratzen dituzten jubilatuekin "keinu" bat eskatu dute alderdiaren aldetik.

Le Rouxek azaldu duenez, behin betiko kopiak funtzionarioen soldataren igoera ezartzen duen klausula hartu dezake, "behin hazkuntza ekonomikoa lortuta", "langile publikoei etorkizuneko soldata argi ikusteko" aukera emanez.

Bestalde, diputatu sozialistek zergak ez igotzeko Gobernuak emandako promesa bermatzea eskatu dute.