Ekonomia
Abiadura Handiko Trena
Erredakzioa
Abiadura handiko trenaren lotura diseinatzeko 2011n hiru administrazioek sinatutako protokoloa "suspertzeko" eskatu diote EAEko eta Nafarroako gobernuek Espainiako Exekutiboari.
AHTko lanak. Artxiboko irudia: EiTB
Abiadura handiko trenaren (AHT) lotura diseinatzeko 2011n hiru administrazioek sinatutako protokoloa "suspertzeko" eskatu diote gaur EAEko eta Nafarroako gobernuek Espainiako Exekutiboari.
Euskadiko eta Nafarroako gobernuen bi ordezkaritzak Iruñean bildu dira gaur. Imanol Leza Eusko Jaurlaritzako Garraio zuzendari nagusiak eta Jose Antonio Marce Nafarroako Gobernuko Mugikortasun zuzendari nagusiak izan dira bertan.
Lanen egoera
Gipuzkoako tartearen lanak nola dauden azaldu dio Jaurlaritzak Nafarroako Gobernuari. Une honetan 17 tarte eraikitzen ari dira edo bukatu dituzte EAEn.
Hala ere, Irungo eta Donostiako sarbideak zehaztea falta da, eta baita Astigarraga-Lezo eta Oiartzun-Biriatou tarteak ere. Gainera, Bergarako lotunea hasteko konpromisoa hartu zuen Mariano Rajoyren Gobernuak duela gutxi, Cristina Oregik zuzendutako Sailak agiri batean azaldu duenez.
AHTren eraikuntza lanek, ostera, atzerapen handiagoa dute Nafarroan. Horrela, tarte bateko lanak martxan dira (Castejón-Alesbes). Alesbes-Erriberri eta Erriberri-Tafalla tarteak informazio publikoaren fasean daude oraindik.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa