Ekonomia
Fagor Etxetresnak
Erredakzioa
Txema Gisasola MCCko presidenteak Fagor Etxetresnak enpresa hartzekodunen konkurtsoan sartuko dela jakitera eman diola adierazi du Industria ministroak.
Jose Manuel Soria Industria ministroa. Argazkia: EFE
Txema Gisasola Mondragon Korporazioko presidenteak Fagor Etxetresnak enpresa hartzekodunen konkurtsoan sartuko dela atzo arratsaldean jakitera eman ziola adierazi du gaur Jose Manuel Soria Industria ministroak.
"Fagor Etxetresnak enpresaren krisia oso gertutik jarraitu dugu azken hilabeteetan. Enpresari likidezia behin baino gehiagotan eman diotela esan dit Txema Gisasolak, baina taldearen arazoak konpontzeko ez da nahikoa izan, eta aurrekonkurtsoan sartu ziren", azaldu du Soriak.
Fagor salbatzeko egitasmo bat zegoela azaldu du ministroak, baina MCCk beste ekarpen bat egin behar zuela jasotzen zuen, eta Korporazioak ez egitea erabaki zuen, finantziazioa kooperatibistek beraiek jartzen dutelako.
"Horregatik konpainia aurrekonkurtsotik konkurtsora pasako dela jakinarazi zidan atzo arratsaldean Mondragoneko presidenteak", azaldu du Industria ministroak.
Bestalde, Arantza Quiroga Euskadiko PPren presidenteak Eusko Jaurlaritzaren jarrera kritikatu du gaur. Gasteizko Exekutiboa "iparra galduta" dabilela esan du Quirogak. Jaurlaritza Fagorren krisiaren aurrean "beldur" dela "demostratzen ari da", PPko buruzagiaren hitzetan.
Zentzu horretan, Fagorren egoera krisiaren "adibide dramatikoa" dela esan du Mario Fernandez Kutxabankeko presidenteak.
2023ko uztailaren 23ko hauteskunde orokorretako albisteak
orain albiste
albisteak
albisteak
albisteak
albisteak
albisteak
Kirola
kultura
© EITB - 2024 - Pribatutasun Ataria - Lege Oharra - Cookien erabilera - Cookien konfigurazioa - Gardentasuna - Kontaktua - Web mapa