Espainiako Gobernuak 33.000 milioi euro murriztuko ditu pentsioetan

Espainiako Gobernuak 33.000 milioi euroko murrizketa egingo du pentsioetan, 2022. urtea arte, horien balioaren garapena kalkulatzeko modua aldatuta. Izan ere, erreforma berriarekin, pentsioen igoera ez da kontsumorako prezioen indizearen (KPI) araberakoa izango.

EFE agentziak azaldu duenez, erreforma horrek 2014. urtean 809,6 milioi euro "aurreztea" ekarriko du. 2019-2022 eperako, urtean 5.000 milioi eurokoa izango da aurrezkia.

Tomas Burgos Gizarte Seguratzako Estatu idazkariaren esanetan, "aurrezki" horiek ez dira "murrizketak", baizik eta pentsioen hazkundea "herrialdearen errealitate ekonomikora egokitzeko modua".

Espainiako Gobernuaren arabera, azken 10 urteetan pentsioen hazkundea KPIrena baino handiagoa izan da.